ខ្សែប្រយុទ្ធ Real Madridកីឡាករ Rodrygo បានបង្ហើបថាខ្សែប្រយុទ្ធ Neymar Jr. បានប្រាប់ខ្លួនថារូបគេនឹងចូលនិវត្តន៍ពីជម្រើសជាតិឆាប់ៗនេះ ដោយ Neymar ចង់ឲ្យអាវលេខ១០នេះទៅគេបន្ត។
តារាឆ្នើមNeymar ត្រូវបានគេស្គាល់ថាជាអ្នកស៊ុតបញ្ចូលទីបានច្រើនជាងគេលំដាប់លេខ២នៅជម្រើសជាតិប្រេស៊ីល ហើយព្រឹត្តិការណ៍បាល់ទាត់ពិភពលោកនៅកាតាឆ្នាំ២០២២ នេះអាចជាឱកាសដែលគេបង្ហាញខ្លួននៅជម្រើសជាតិជាលើកចុងក្រោយ។
ចំពោះ អាវលេខ១០នៅជម្រើសជាតិ ប្រេស៊ីល នេះគឺធ្លាប់ពាក់ដោយខ្សែប្រយុទ្ធល្បីៗដូចជា Pele, Ronaldinho និង Kaka ជាដើម។ Neymar គិតថា បើសិនខ្លួនចូលនិវត្តន៍គឺ Rodrygo សាកសមនឹងពាក់អាវលេខ១០នេះ។
Rodrygo និយាយទៅកាន់អ្នកយកព័ត៌មានយ៉ាងដូច្នេះថា៖« “Neymar បាននិយាយមកខ្ញុំ ថាគាត់នឹងចូលនិវត្តន៍ពីជម្រើសជាតិក្នុងពេលឆាប់ៗនេះហើយ ខណៈអាវលេខ ១០ គាត់ប្រគល់មកឲ្យខ្ញុំ។ខ្ញុំមិនដឹងឆ្លើយតបបែបម៉េចទៅកាន់គាត់វិញទេ ខ្ញុំបានត្រឹមលួចសើច តែក៏បានប្រាប់ទៅគាត់វិញដែរ ថាគាត់សមតែលេងឲ្យបានច្រើនឆ្នាំជាងនេះ »។
គួរបញ្ជាក់ថា Neymar Jr. រកបាន២៧៤គ្រាប់ពីការបង្ហាញខ្លួន ១១៩ប្រកួតឲ្យក្រុមជម្រើសជាតិប្រេស៊ីល៕
