ឃាត់ខ្លួនចៅប្រុសញៀនថ្នាំ វាយសម្លាប់ជីដូននឹងចបកាប់ក្រោយរត់គេចខ្លួន១៣ថ្ងៃ

ដោយៈចាន់តូ
ភ្នំពេញ៖ក្រោយពីរត់គេចខ្លួនបាន១៣ថ្ងៃ ចៅប្រុសញៀនថ្នាំ ដែលបានវាយសម្លាប់ ជីដូន ចំណាស់អាយុ៧៧ឆ្នាំ ត្រូវបានកម្លាំង នគរបាលប៉ុស្តិ៍ស្វាយប៉ាកស្រាវជ្រាវឃាត់ខ្លួនបានហើយ កាលពីវេលាម៉ោង៥ល្ងាច ថ្ងៃទី២៣ ខែមិថុនា ឆ្នាំ២០២២នៅចំណុចគល់ស្ពានព្រែកព្នៅ ខាងកើតស្ថិតក្នុងភូមិ ព្រែកតារដ្ឋ សង្កាត់ព្រែកតាសេក ខណ្ឌជ្រោយចង្វារ។

ឃាតកររូបនោះ ត្រូវបានសមត្ថកិច្ចអោយដឹងថាឈ្មោះឯម ពិសិទ្ធ ភេទប្រុស អាយុ៣០ឆ្នាំត្រូវជាចៅបង្កើតមានទីលំនៅកន្លែងកើតស្ថិតនៅ ចំណុចផ្ទះលេខ១៦៧A ផ្លូវជាតិលេខ៥ ក្រុម២ ភូមិឡកំបោរ សង្កាត់ស្វាយប៉ាកខណ្ឌឫស្សីកែវ រាជធានីភ្នំពេញ។ចំណែក លោកយាយ ដែលត្រូវចៅវាយសម្លាប់នឹងត្បូងចប ឈ្មោះ មុំ ហៀង ភេទស្រី អាយុ៧៧ឆ្នាំ។

គួរបញ្ជាក់ថាស្រ្តីចំណាស់រូបនោះ ត្រូវបានឃាតករ លួចវាយសម្លាប់ជាច្រើនត្បូងចប ដេកស្លាប់នៅមុខផ្ទះ កាលពីវេលាម៉ោងប្រមាណ០៤និង៤០នាទីព្រឹកថ្ងៃទី១០ ខែ មិថុនា ឆ្នាំ២០២២នៅ មុខផ្ទះលេខ១៦៧ ផ្លូវជាតិលេខ ៥ ភូមិឡកំបោរ សង្កាត់ ស្វាយប៉ាក ខណ្ឌ ឫស្សីកែវរាជធានីភ្នំពេញ។ បន្ទាប់ពីមានឃាតកម្ម សមត្ថកិច្ច នគរបាលប៉ុស្តិ៍ ព្រមទាំង មន្រ្តីនគរបាលជំនាញបានចុះទៅស្រាវជ្រាវ ហើយ មានការសង្ស័យ និងកំណត់មុខសញ្ញាថា ឃាតករ ជាចៅប្រុស បង្កើត ដែលជាមនុស្ស ញៀនថ្នាំ ហើយ គេចខ្លួនបាត។លុះរំលងបាន១៣ថ្ងៃត្រូវបានសមត្ថកិច្ចនគរបាលប៉ុស្តី ស្រាវជ្រាវ ឈានទៅឃាត់ខ្លួនបាន។
បន្ទាប់ពីឃាត់ខ្លួន ចៅប្រុសរូបនោះបានសារភាពថា ខ្លួន ពិតជាវាយសម្លាប់ជីដូន នឹងត្បូងចបពិតប្រាកដមែន ។នៅយប់នោះវេលាម៉ោង២និង១៥នាទីរំលងអាធ្រាត្រខ្លួនបានទិញស្រាថ្នាំកន្លះលីត្រមកផឹក នៅផ្ទះរហូតដល់ម៉ោងកើតហេតុ៤និង៤០នាទីទៀបភ្លឺខ្លួនបានចេញពីផ្ទះមកដល់កាំជណ្តើរបានយកចបកាប់មកវាយទៅលើជីដូន បណ្ដាលឲ្យស្លាប់នៅនឹងកន្លែងរួចរត់គេចខ្លួនបាត់។

ទាក់ទិន រឿងរ៉ាវដែលធ្វើអោយចៅប្រុស វាយសម្លាប់ជីដូននេះ គេពុំដឹងថា ផ្តើមចេញពីរឿងអ្វី ពិតប្រាកដឡើយ ។តែគេសង្ស័យ ខឹងជីដូនស្តីបន្ទោសជារើយៗ ។
តាមព័ត៌មានបានអោយដឹងទៀតថា កន្លងមក ជីដូន បានស្តីបន្ទោស ជាបន្តបន្ទាប់ រឿងចៅប្រើប្រាស់គ្រឿងញៀន ផឹកស៊ី ដើរលេង ប៉ោឡែរ។នៅយប់នោះ ខណះពេល ដែលទិញស្រាផឹក ម្តាយស្តី បង្កើតស្តីបន្ទោស ស្រាប់តែ ផឹកស្រវឹង ទាញត្បូងចបវាយសម្លាប់ ជីដូន ដែលក្រោកដាំបបរអោយបណ្តាលអោយដេកស្លាប់នៅ លើថាសជណ្តើរ តែម្តង ៕