រដ្ឋមន្ត្រីការបរទេសអ៊ីរ៉ង់លោក Hossein Amirabdollahian នៅយប់ថ្ងៃចន្ទសប្ដាហ៍នេះបានជួបជាមួយប្រធានាធិបតីទួរគី Recep Tayyip Erdogan ក្នុងទីក្រុងអង់ការ៉ា។នេះបើយោងតាមទីភ្នាក់ងារព័ត៌មានផ្លូវការអ៊ីរ៉ង់IRNAចេញផ្សាយនៅថ្ងៃទី២៨ខែមិថុនាឆ្នាំ២០២២។
បើតាមកាសែតIRNA កិច្ចប្រជុំខាងលើនេះបានធ្វើឡើងតែប៉ុន្មានម៉ោងប៉ុណ្ណោះបន្ទាប់ពីលោកAmirabdollahianបានជួបពិភាក្សាជាមួយសមភាគីទួរគីលោក Mevlüt Çavuşoğlu។
គូសបញ្ជាក់ថាប្រមុខកាទូតអ៊ីរ៉ង់កំពុងបំពេញទស្សនកិច្ចនៅប្រទេសទួរគីតបតាមការអញ្ជើញរបស់លោក Çavuşoğlu ហើយបានមកដល់រដ្ឋធានីទួរគីកាលពីរសៀលថ្ងៃចន្ទម្សិលមិញ។លោកAmirabdollahian គ្រោងនឹងធ្វើដំណើរទៅកាន់ប្រទេស Turkmenistan បន្ទាប់ពីប្រទេសទួរគី ដើម្បីចូលរួមកិច្ចប្រជុំថ្នាក់រដ្ឋមន្ត្រីនៃបណ្ដាររដ្ឋសមុទ្រកាព្យែន(Caspian)៕
