ជំនួសឱ្យប្រទេសអ៊ីរ៉ាក់និងអារ៉ាប៊ីសាអូឌីត,រុស្ស៊ីអាចនឹងក្លាយជាអ្នកផ្គត់ផ្គង់ប្រេងដ៏ធំបំផុតទៅកាន់ប្រទេសឥណ្ឌា ដែលជាអ្នកទិញដ៏ធំបំផុតរបស់អាស៊ី។
យោងតាមតួលេខតាមដាននាវាដឹកប្រេងដែលចងក្រងដោយកាសែតBloomberg ប្រទេសរុស្ស៊ីត្រូវបានគេរំពឹងថានឹងបញ្ជូនប្រេងប្រហែលមួយលានបារ៉ែលក្នុងមួយថ្ងៃក្នុងខែនេះទៅឱ្យប្រទេសឥណ្ឌា ដែលជាប្រទេសនាំចូលប្រេងធំជាងគេទីបីរបស់ពិភពលោក។
នេះគឺប្រហែលស្មើនឹងចំនួនដែលឥណ្ឌានាំចូលពីអ៊ីរ៉ាក់ និងច្រើនជាងដែលខ្លួនទទួលបានពីអារ៉ាប៊ីសាអូឌីត។
ដោយសារទណ្ឌកម្មលោកខាងលិច, រុស្ស៊ីត្រូវបានដាក់សម្ពាធឱ្យស្វែងរកទីផ្សារជំនួស ហើយបាននាំចូលទៅកាន់ទីផ្សារឥណ្ឌានិងចិន។
Bloomberg និយាយថា ប្រទេសឥណ្ឌាកំពុងការពារចំពោះការសម្រេចចិត្តរបស់ខ្លួនក្នុងការទិញពីប្រទេសរុស្ស៊ី ដោយលើកឡើងពីតម្រូវការប្រេង និងតម្រូវការចាំបាច់របស់ខ្លួនដើម្បីកាត់បន្ថយការចំណាយ៕
