ខ្មាន់កាំភ្លើងដែលបាញ់សម្លាប់អ្នកយាមផ្ទះវីឡា នៅសង្កាត់បឹងកេងកង ត្រូវបានចាប់ខ្លួននៅស្រុកស្អាង ខេត្តកណ្ដាល

ដោយ រតនា

ភ្នំពេញ: កម្លាំងជំនាញព្រហ្មទណ្ឌ នៃអធិការដ្ឋាននគរបាលខណ្ឌបឹងកេងកង ដឹកនាំបញ្ជាផ្ទាល់លោកវរះសេនីយ៍ឯក ស៊ឹម ពិសិដ្ឋ អធិការខណ្ឌបឹងកេងកង បានសហការជាមួយកម្លាំងជំនាញនាយកដ្ឋានព្រហ្មទណ្ឌកំលាំងព្រហ្មទណ្ឌកម្រិតធ្ងន់ នៃស្នងការដ្ឋាននគរបាលរាជធានីភ្នំពេញ បានចុះសហការនៅស្នងការដ្ឋាននគរបាលខេត្ដកណ្ដាល បានឃាត់ខ្លួនជនសង្ស័យម្នាក់ ដែលជាជនដៃដល់ បាញ់សម្លាប់អ្នកយាមផ្ទះវីឡា នៅសង្កាត់បឹងកេងកង។

ប្រតិបត្តិការនេះធ្វើកាលពីវេលាម៉ោង ០៨និង៣០នាទីព្រឹកថ្ងៃទី០៦ ខែកក្កដា ឆ្នាំ២០២២ ដោយមានការសម្របសម្រួលពីលោក គឹម ហុងសាន ព្រះរាជអាជ្ញារងអមសាលាដំបូងរាជធានីភ្នំពេញ ដោយឃាត់ខ្លួនជនសង្ស័យ ឈ្មោះ អ៊ូ សុភី ភេទប្រុស អាយុ៤២ ឆ្នាំជនជាតិខ្មែរ ស្នាក់ នៅផ្ទះលេខ ៣៨ ផ្លូវ៣២២ ភូមិ៨ សង្កាត់បឹងកេងកងទី១ ខណ្ឌបឹងកេងកង មុខរបរ បើកឡាន។ ចំណែកសពរងគ្រោះមានឈ្មោះ គង់ សុត អាយុ៤៣ឆ្នាំ ជនជាតិខ្មែរ ទីលំនៅផ្ទះលេខ ៣៨ ផ្លូវ៣២២ ភូមិ៨ សង្កាត់បឹងកេងកង១ ខណ្ឌបឹងកេងកង មុខរបរ៖ បើកឡាន។

ប្រភពព័ត៌មានពីសមត្ថកិច្ចបានឲ្យដឹងថា នៅវេលាម៉ោង០៨និង៣០នាទី ថ្ងៃទី០៦ ខែកក្កដា ឆ្នាំ២០២២ កម្លាំងជំនាញព្រហ្មទណ្ឌ នៃអធិការដ្ឋាននគរបាលខណ្ឌបឹងកេងកង ដឹកនាំបញ្ជាផ្ទាល់លោកវរះសេនីយ៍ឯក ស៊ឹម ពិសិដ្ឋ អធិការខណ្ឌបឹងកេងកង បានសហការជាមួយកម្លាំងជំនាញ បានសហការជាមួយកម្លាំងជំនាញព្រហ្មទណ្ឌកម្រិតធ្ងន់ នៃស្នងការដ្ឋាននគរបាលរាជធានីភ្នំពេញ បានចុះសហការនៅស្នងការដ្ឋាននគរបាលខេត្ដកណ្ដាល បានធ្វើឃាត់ខ្លួនជនសង្ស័យចំនួន០១នាក់ខាងលើ ពាក់ព័ន្ធករណីឃាតកម្មបាញ់សម្លាញ់ នៅចំណុច ផ្ទះលេខ ៣៨ ផ្លូវ៣២២ ភូមិ៨សង្កាត់បឹងកេងកង១ ខណ្ឌបឹងកេងកង (កន្លែងកើតហេតុ) នៅចំណុចផ្ទះគ្មានលេខ ផ្លូវលេខ២២A ភូមិសំប៉ានលើ ឃុំព្រែកអំបិល ស្រុកស្អាង ខេត្ដកណ្ដាល បន្ទាន់មកសមត្ថកិច្ចយើងបានបន្ដឆែកឆែរនៅចំណុចផ្ទះលេខ៦៧០ ផ្លូវ លេខ១៣៣ សង្កាត់តាខ្មៅ ក្រុងតាខ្មៅ ខេត្ដកណ្ដាល ដោយបានការឯកភាពពីលោក គឹម ហុងសាន ព្រះរាជអាជ្ញារង អមសាលាដំបូងរាជធានីភ្នំពេញ ដកហូតបានវត្ថុតាងរួមមានអាវុធខ្លីចំនួន០១ដើមម៉ាកSTER M9-A1 9×19 លេខM00 4307 ផលិតនៅប្រទេសអូស្រាលី និងបង់ចំនួន០១ គ្មានគ្រាប់, ម៉ូតូ០១គ្រឿង ម៉ាកPCX ពណ៍ស ពាក់ស្លាកលេខភ្នំពេញ 1GJ.6934 , ទូរសព្ទ័០១គ្រឿង ម៉ាកOppo ពណ៍ខៀវ បន្ទាប់មកសមត្ថកិច្ចបាននាំខ្លួនជនសង្ស័យ និងវត្ថុតាង មកកាន់អធិការដ្ឋាននគរបាលខណ្ឌបឹងកេងកង ដើម្បីសាកសួរតែម្ដង។

បច្ចុប្បន្នជនសង្ស័យចំនួន០១នាក់ ខាងលើ រួមនិងវត្ថុតាង បានឃាត់ខ្លួន នៅអធិការដ្ឋាននគរបាលខណ្ឌបឹងកេងកង បណ្ដោះអាសន្ន ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវីធីច្បាប់។