ក្លិបអ្នកមានបារាំង Paris St Germain បានប្រកាសតែងតាំងលោក Christophe Galtier ជាអ្នកចាត់ការថ្មីរបស់ពួកគេនៅថ្ងៃពុធនេះ ជំនួសតំណែងលោក Mauricio Pochettino។
បុរសសញ្ជាតិបារាំងវ័ ៥៥ឆ្នាំរូបនេះ បានចូលរួមជាមួយ PSG ជាមួយកិច្ចសន្យារយៈពេល ២ឆ្នាំបន្ទាប់ពីចាកចេញពីក្លិប Nice កាលពីខែមុន។លោកបានដឹកនាំក្រុម ឡើងទៅកាន់ការបញ្ចប់ក្នុងនាមជាជើងឯករងនៅពាន French Cup និងស្ថិតនៅចំណាត់ថ្នាក់ទី៥ ក្នុង Ligue 1 កាលពីរដូវកាលមុនផងដែរ។
លោក Galtier បានចូលរួមជាមួយ Nice កាលពីឆ្នាំ២០២១ បន្ទាប់ពីបានដឹកនាំក្លិប Lille ដណ្តើមបានពានរង្វាន់ Ligue 1 ជាលើកដំបូងរបស់ពួកគេចាប់តាំងពីឆ្នាំ២០១១។
សូមជ្រាបថាលោក Pochettino បានចាកចេញពីក្លិប PSG បន្ទាប់ពីដឹកនាំបាន ៨៤ប្រកួត ដោយលទ្ធផលឈ្នះ ៥៥លើក ស្មើ១៥លើក និងចាញ់ ១៤លើក៕
