សង្ស័យស្រវឹង បើករថយន្តជ្រុលទៅបុករបាំងថ្មពុះចែកទ្រូងផ្លូវរងការខូចខាត

ដោយ រតនា

ភ្នំពេញ ៖ របាំថ្មពុះចែកទ្រូងផ្លូវពីកងរងការខូចខាតក្រោយបុរសជនជាតិបរទេសម្នាក់បើករថយន្តម៉ាកសឺដេសបុកពេញទំហឹង។

ហេតុការណ៍មួយនេះកើតឡើងកាលពីវេលាម៉ោង៣ និង ៤០ នាទីទៀបភ្លឺឈានចូលថ្ងៃទី ១១ ខែកក្កដា ឆ្នាំ ២០២២ ក្នុងសង្កាត់បឹងរាំង ខណ្ឌដូនពេញ រាជធានីភ្នំពេញ។

តាមប្រភពព៍ត៌មានពីកន្លែងកើតហេតុបានបញ្ជាក់ក្រុមកាងារឲ្យបានដឹងថា៖នៅមុនពេលកេីតហេតុគេបានឃើញ បុរសជាជនជាតិបរទេសម្នាក់ បើកបររថយន្តម៉ាក Mercedes GLK 65 ពណ៌ខ្មៅ ពាក់ស្លាកលេខ ភ្នំពេញ 2AJ-2388 បានធ្វើដំណើរតាមបណ្ដោយផ្លូវព្រះមុនីវង្ស ក្នុងទិសដៅពីត្បូងទៅជើង លុះពេលធ្វេីដំណេីរមកដល់ត្រង់ចំណុចកេីតហេតុស្តុបប្រាសាទពេជ្រ កែងនិងផ្លូវលេខ ១៨៤ បេីកបរក្នុងស្ថានភាពល្បឿនលឿន ថែមទាំងខ្វះការប្រុងប្រយ័ត្ន ក៏បារ៉េចង្កូតទៅបុករបាំងថ្មពុះចែកទ្រូងផ្លូវបាក់អស់ចំនួន២ ផ្ទាំងដួលរលំរាយប៉ាយពេញផ្លូវ ។ រីឯរថយន្ត វិញទទួលរងការខូចខាត មួយកំណត់ផ្នែកខាងមុខខ្ទិចយ៉ាងដំណំ ដោយបែកម៉ាស៊ីនហៀរប្រេងពេញផ្លូវ តែជាសំណាងល្អក្នុងករណីនេះ មិនបង្កឱ្យមានអ្នករងរបួសនោះទេ។

ក្រោយពីកើតហេតុសម្ថកិច្ចជំនាញបាន ធ្វើការវាស់វែង រួចសស្ទូចយករថយន្ដបង្ក ទៅរក្សាទុកនៅករិយាល័យចររាចរណ៍ផ្លូវគោកនៃស្នងការដ្ធាននគរបាលរាជធានីភ្នំពេញ ដើម្បីធ្វេីការរង់ចាំម្ចាស់ រថយន្តចូលខ្លួនមកដោះស្រាយនៅពេលក្រោយ៕