អ្នកចាត់ការលោកErik ten Hag បានបញ្ជាក់ច្បាស់ថាខ្សែការពារ Harry Maguire នៅតែបន្តតំណែងជាប្រធានក្រុម Manchester United ដដែល។
នៅក្នុងរដូវកាលមុន Maguire ត្រូវបានអ្នកគាំទ្ររិះគន់យ៉ាងខ្លាំងចំពោះសមត្ថភាព និងតំណែងប្រធានក្រុមរបស់គេ ដោយអ្នកគាំទ្រទទូចចង់ឲ្យក្លិប Man Utd លក់ខ្សែការពាររូបនេះចេញនៅក្នុងរដូវកាលដោះដូរនេះ។
ប៉ុន្តែអ្វីៗផ្ទុយពីអ្នកគាំទ្រចង់បានដោយ កីឡាករខាងលើនៅតែជាកីឡាករ Man Utd ហើយក៏ជាប្រធានក្រុមនេះដដែលផងដែរ។
លោក Ten Hag បានមានប្រសាសន៍ថា៖«Maguire នៅតែជាប្រធានក្រុមរបសើយើង។ ច្បាស់ណាស់ខ្ញុំត្រូវការស្គាល់កីឡាករគ្រប់គ្នាទាំងអស់ អញ្ចឹងត្រូវការពេលវេលាច្រើន។ ប៉ុន្តែ Maguire ជាប្រធានក្រុមស្រាប់នៅទីនេះ ហើយគេក៏មានលទ្ធផលជោគជ័យច្រើន អញ្ចឹងខ្ញុំអត់មានមន្ទិលសង្ស័យអីរឿងសមត្ថភាពគេនោះទេ»៕
