(ឧត្តរមានជ័យ) អ្នកបើកបររថយន្តម៉ាក កូរ៉ូឡាខ្វះការប្រុងប្រយ័ត្ន ទៅបុកបរុសវ័យចំណាស់ម្នាក់កំពុងធ្វើដំណើជិះកង់តាមផ្លូវ ពីក្រោយយ៉ាងពេញទំហឹងបណ្តាលឲ្យស្លាប់ភ្លាមៗនៅនឹងកន្លែងកើតហេតុស្ថិតនៅត្រង់ភូមិកំណប់ សង្កាត់បន្សាយរាក់ ក្រុងសំរោង ខេត្តឧត្តរមានជ័យ។ពលរដ្ឋដែលបានឃើញហេតុការណ៏នេះបានកើតឡើងកាលពីរសៀលថ្ងៃទី ១៣ ខែ កក្តដា ឆ្នាំ ២០២២ វេលាម៉ោង ១៤និង១០ នាទី ។
មន្ត្រីនគរបាលចរាចរណ៏ផ្លូវគោកនៃស្នងការដ្ធាននគរបាលខេត្តឧត្តរមានជ័យបានប្រាប់ឲ្យដឹងនៅថ្ងៃទី១៤ខែកក្កដាឆ្នាំ២០២២ថា មានករណីគ្រោះថ្នាក់ចរាចរណ៏នៅត្រង់ចំណុចខាងលើនេះបង្កឡើងរវាងរថយន្តនិងអ្នកជិះកង់បណ្តាលឲ្យស្លាប់ម្នាក់និងរងរបួសស្រាលម្នាក់នៅកន្លែងកើតហេតុចំណែកអ្នកបើកបរបានរងរបួសស្រាល។
មន្ត្រីនគរបាលចរាចរណ៍ដ៏ដែលបានបញ្ជាក់បន្ថែមថា រថយន្តដែលបានបង្កហេតុម៉ាក To YoTA Corolla (កូរ៉ូលឡា)ពណ៌ ទឹកមាស ផលិតឆ្នាំ ១៩៩២ ពាក់ស្លាកលេខ ភ្នំពេញ2F-2478 (ទិសដៅពីជើងទៅត្បូង) បើកបរដោយបុរសម្នាក់ឈ្មោះ ឯក សុធា ភេទ ប្រុស អាយុ ៥២ ឆ្នាំ មុខរបរ ទាហាន (មិនពាក់ខ្សែក្រវ៉ាត់សុវត្ថិភាព) មានទីលំនៅស្ថិតនៅភូមិសំរោង សង្កាត់សំរោង ក្រុងសំរោង ខេត្តឧត្តរមានជ័យ (រងរបួសស្រាល)។
ចំណែកអ្នកជិះកង់ ពណ៌ ស(ទិសដៅពីត្បូងទៅជើង)ជាជនរងគ្រោះមានឈ្មោះ គាំ វឿ ភេទ ប្រុស អាយុ ៥៤ឆ្នាំ មុខរបរ កសិករ មានទីលំនៅស្ថិតក្នុងភូមិកំណប់ សង្កាត់បន្សាយរាក់ ក្រុងសំរោង ខេត្តឧត្ដរមានជ័យ (ស្លាប់នៅកន្លែងកើតហេតុ)។
នៅក្នុងហេតុការនោះបើតាមនគរបាលជំនាញផ្នែកចរាចរណ៏ពេលចុះទៅពិនិត្យវាស់វែងកន្លែងកើតហេតុផ្ទាល់ជាក់ស្តែងឃើញថាស្ថានភាព ផ្លូវលំក្រាលគ្រួសក្រហម៖ ផ្លូវត្រង់
មូលហេតុ ៖ មកពី រថយន្តបើកបរមិនប្រកាន់ស្តាំហើយរថយន្តក្រោយពីបុកកង់រួចក៏បន្ថែមល្បឿនធ្លាក់ទៅក្នុងប្រឡាយបណ្តាលឲ្យ រងនូវការខូចខាតធ្ងន់,ផ្នែកកង់និងកន្លែងដទៃផ្សេងមួយចំនួនទៀតផងដែរ។
សូមបញ្ជាក់ថា ក្រោយកើតហេតុរួចសមត្ថកិច្ចជំនាញផ្នែកចរាចរណ៏បានធ្វើកំណត់ហេតុ សពត្រូវបានប្រគល់ឲ្យក្រុមគ្រួសារសាច់ញាតិយកទៅធ្វើបុណ្យតាមប្រពៃណី ចំណែកសម្ភារះរួមនិងវត្ថុតាងរថយន្តនិងកង់ទាំងពីរគ្រឿងខាងលើត្រូវបានយកមករក្សាទុកនៅការិយាល័យនគរបាលចរាចរណ៍ផ្លូវគោកខេត្តដើម្បីបន្តដោះស្រាយទៅតាមនីតិវិធី។
