ក្រុមបាល់ទាត់ជម្រើសជាតិនារីអង់គ្លេសលើកពាន Women Euro 2022 ក្រោយពីយកឈ្នះក្រុមបាល់ទាត់ជម្រើសជាតិអាល្លឺម៉ង់ក្នុងលទ្ធផល ២-១ ក្នុងម៉ោងបន្ថែមនៅវគ្គផ្ដាច់ព្រ័ត្រនាកីឡដ្ឋាន Wembleyអង់គ្លេស។
ការប្រកួតកាលពីយប់មិញបានឈានចូលដល់នាទី១១០ ទើបកីឡាការិនី Chloe Kelly ធ្វើបានសម្រេច និងក្លាយជាកីឡាការិនីឆ្នើមប្រចាំក្រុម ដែលរកបានគ្រាប់ជ័យជម្នះឲ្យក្រុមនារី អង់គ្លេស ក្រោយការប្រកួតស្មើគ្នា ១-១ ពេញម៉ោង ៩០នាទីដំបូង ដ្បិតថាក្រុមនារីអាល្លឺម៉ង់ជាក្រុមជើងខ្លាំងដែលឈ្នះពាននេះច្រើនជាងគេរហូតដល់ទៅ៨លើក។
សូមជម្រាបដែរថានេះគឺជាពានរង្វាន់ដំបូងបំផុតដែលក្រុមជម្រើសជាតិនារីអង់គ្លេសបានឈ្នះជាប្រវត្តិសាស្រ្តក្រោយរងជើងឯក ២លើក និងលេខ៣ ចំនួន២លើក៕
