អតីតប្រធានាធិបតីហ្វីលីពីនFidel Ramos បានទទួលមរណភាពក្នុងវ័យ៩៤ឆ្នាំ កាលពីថ្ងៃអាទិត្យម្សិលមិញនេះ។លោកគឺជាតួអង្គសំខាន់នៅក្នុងចលនាបះបោរគាំទ្រលទ្ធិប្រជាធិបតេយ្យឆ្នាំ 1986ដែលបានផ្តួលរំលំរបបផ្តាច់ការ។ការិយាល័យប្រធានាធិបតីរបស់ប្រទេសនេះបានប្រកាសមរណភាពរបស់គាត់នៅថ្ងៃដដែល។ប្រធានាធិបតី Ferdinand Marcos Jr. បានសម្ដែងការរំលែកទុក្ខដល់គ្រួសារលោក Ramos នៅក្នុងសេចក្តីថ្លែងការណ៍មួយ។
លោកRamosគឺជាមន្ត្រីយោធាជាន់ខ្ពស់ក្នុងរបបផ្តាច់ការរបស់អតីតប្រធានាធិបតី Ferdinand Marcos ដែលជាឪពុករបស់មេដឹកនាំបច្ចុប្បន្ន។ប៉ុន្តែលោកRamos បានគាំទ្រលោក Corazon Aquino ដែលជាឥស្សរជនមួយរូបនៅក្នុងចលនាអំណាចប្រជាជនឆ្នាំ1986 ។ការផ្លាស់ប្តូរភាពស្មោះត្រង់របស់គាត់បានជំរុញឱ្យមានការដួលរលំនៃរដ្ឋាភិបាលលោកMarcos។
បន្ទាប់ពីលោក Aquino ឡើងកាន់តំណែងជាប្រធានាធិបតី,លោក Ramosបានកាន់តំណែងសំខាន់ៗក្នុងជួររដ្ឋាភិបាល រួមទាំងរដ្ឋមន្ត្រីការពារជាតិផងដែរ។
លោកបានរារាំងការប៉ុនប៉ងធ្វើរដ្ឋប្រហារដោយមន្ត្រីយោធាមួយចំនួន ដែលរួមចំណែកដល់ស្ថិរភាពរដ្ឋបាលរបស់លោកAquino ។លោកRamos បានឡើងកាន់តំណែងជាប្រធានាធិបតីក្នុងឆ្នាំ1992 ហើយបានប្តេជ្ញាចិត្តខ្លួនឯងក្នុងការកសាងសេដ្ឋកិច្ចហ្វីលីពីនឡើងវិញ។
លោកRamosបានចុះចេញពីតំណែងក្នុងឆ្នាំ1998 ប៉ុន្តែបានរក្សានូវឥទ្ធិពលនយោបាយរបស់គាត់ ដែលគាំទ្រដោយការជឿទុកចិត្តពីសាធារណៈជន។គាត់បានធ្វើការទាមទារលើការគ្រប់គ្រងជាបន្តបន្ទាប់៕
