មេដឹកនាំអ៊ុយក្រែននិងប្រមុខណាតូពិភាក្សាគ្នាតាមទូរស័ព្ទអំពីជំនួយសម្រាប់ទីក្រុងគៀវ

ប្រធានាធិបតីអ៊ុយក្រែនលោក Volodymyr Zelensky កាលពីថ្ងៃអង្គារបានសន្ទនាតាមទូរស័ព្ទជាមួយអគ្គលេខាធិការនៃអង្គការសន្ធិសញ្ញាអាត្លង់ទិកខាងជើង (NATO) លោក Jens Stoltenberg ដើម្បីពិភាក្សាអំពីជំនួយសម្រាប់ទីក្រុងគៀវ។

នៅក្នុងកិច្ចពិភាក្សានេះ លោក Zelensky បានជូនដំណឹងដល់លោកStoltenberg អំពីស្ថានភាពនៅជួរមុខក្នុងប្រទេសអ៊ុយក្រែន ហើយបានសង្កត់ធ្ងន់លើសារៈសំខាន់សម្រាប់ទីក្រុង Kiev ក្នុងការទទួលបានជំនួយយោធាដែលមិនបង្ករគ្រោះថ្នាក់ធ្ងន់ធ្ងរពីអង្គការណាតូ ដែលបានព្រមព្រៀងគ្នាក្នុងអំឡុងកិច្ចប្រជុំកំពូលរបស់សម្ព័ន្ធមិត្តនៅទីក្រុង Madrid ឆ្នាំ 2022។
ក្រៅពីនេះ លោក Zelensky បាននិយាយថា អ៊ុយក្រែនកំពុងស្វែងរកការទទួលបានអាវុធធុនធ្ងន់បន្ថែមទៀតពីប្រទេសសមាជិកណាតូ។

ភាគីនានាក៏បានពិភាក្សាអំពីការបន្តការនាំចេញគ្រាប់ធញ្ញជាតិពីអ៊ុយក្រែនតាមរយៈកំពង់ផែសមុទ្រខ្មៅ និងការរំពឹងទុកនៃជំនួយរបស់អង្គការណាតូក្នុងការដោះមីនមនុស្សធម៌នៅអ៊ុយក្រែន។នៅឯកិច្ចប្រជុំកំពូលរបស់អង្គការណាតូក្នុងរដ្ឋធានីអេស្ប៉ាញកាលពីថ្ងៃទី 29-30 ខែមិថុនា សមាជិកនៃសម្ព័ន្ធភាពបានយល់ព្រមផ្តល់ការគាំទ្រសម្រាប់អ៊ុយក្រែនក្នុងវិស័យជាច្រើន រួមទាំងទំនាក់ទំនងប្រកបដោយសុវត្ថិភាព ការការពារតាមអ៊ីនធឺណិត និងប្រេងឥន្ធនៈ និងការផ្គត់ផ្គង់ផ្នែកវេជ្ជសាស្រ្ត៕