ប្រធានសភាអាមេរិកជួបពិភាក្សាជាមួយនាយករដ្ឋមន្ត្រីជប៉ុននៅទីក្រុងតូក្យូជុំវិញបញ្ហាក្នុងតំបន់និងពិភពលោក

ប្រធានសភាអាមេរិកលោកស្រី Nancy Pelosi (ណាន់ស៊ី ផេឡូស៊ី)បានជួបជាមួយនាយករដ្ឋមន្ត្រីជប៉ុននៅទីក្រុងតូក្យូក្នុងជើងចុងក្រោយនៃការធ្វើដំណើរដ៏ចម្រូងចម្រាសរបស់លោកស្រីទៅកាន់អាស៊ី។លោកស្រីPelosi បានជួបពិភាក្សាជាមួយ Kishida Fumio (គីហ្ស៊ីដា ហ្វូមីអូ)នៅព្រឹកថ្ងៃសុក្រ។ កិច្ចពិភាក្សារបស់ពួកគេគឺផ្តោតលើភាពតានតឹងកាន់តែខ្លាំងឡើងរវាងចិននិងអាមេរិក។

ពួកគេត្រូវបានគេរំពឹងថានឹងពិភាក្សាអំពីស្ថានភាពនៅតៃវ៉ាន់ រួមជាមួយនឹងសមត្ថភាពទប់ស្កាត់រួមគ្នារបស់ប្រទេសរបស់ពួកគេនិងឥណ្ឌូប៉ាស៊ីហ្វិកសេរីនិងបើកចំហ។ ការឈ្លានពានរបស់រុស្ស៊ីលើអ៊ុយក្រែនក៏ត្រូវបានគេរំពឹងថានឹងមាននៅក្នុងរបៀបវារៈរបស់ពួកគេផងដែរ។

លោកស្រី Pelosi បានក្លាយជាប្រធានសភាអាមេរិកដំបូងគេដែលទៅបំពេញទស្សនកិច្ចនៅតៃវ៉ាន់ក្នុងរយៈពេល 25 ឆ្នាំកន្លងមកនេះ។ លោកស្រីបានជួបពិភាក្សាជាមួយប្រធានាធិបតីតៃវ៉ាន់ Tsai Ing-wen(សៃ អ៊ីង-វេន) កាលពីថ្ងៃពុធ។
ដំណើរទស្សនកិច្ចនេះបានបញ្ឆេះកំហឹងពីប្រទេសចិនដែលតែងតែអះអាងថាតៃវ៉ាន់ជាផ្នែកមួយនៃទឹកដីខ្លួន៕