កំពង់ឆ្នាំង៖ នៅវេលាម៉ោង០៨:៣០នាទីព្រឹក ថ្ងៃទី០៩ ខែសីហា ឆ្នាំ២០២២ កម្លាំងអ.ហស្រុកជលគិរី សហការជាមួយកម្លាំងចម្រុះ គណៈបញ្ជាការឯកភាពរដ្ឋបាលស្រុកជលគិរី ចុះបង្រ្កាបបទល្មើសនេសាទនេសាទតាមដងទន្លេក្នុងភូមិសាស្រ្តក្រោយភូមិក្បាលកន្លង់ ឃុំពាមឆ្កោក ស្រុកជលគិរី ខេត្តកំពង់ឆ្នាំង។
ក្នុងប្រតិបត្តិការបង្ក្រាបខាងលេីនេះជាលទ្ធផល រុះរើរបាំងចំនួន១៧កន្លែង ប្រវែង ៨០០ម៉ែត្រ ក្នុងនោះរបាំងសាច់អួន ចំនួន០៦កន្លែង ប្រវែង៣៥០ម៉ែត្រ របាំងស្បៃមុង ចំនួន ១១កន្លែង ប្រវែង៤៥០ម៉ែត្រ លូសរុប ១២មាត់ ក្នុងនោះលូសាច់អួន ចំនួន០៦មាត់ លូស្បៃមុង ចំនួន០៦មាត់ បង្គោលសរុបចំនួន៣៥០ដើម លែងត្រីចម្រុះចំនួន១៥០គីឡូក្រាម ចំណែកសម្ភារៈ និងវត្ថុតាង បានកាប់បំផ្លាញនៅនឹងកន្លែង។
