សង្ស័យមើលផ្លូវមិនឃើញព្រលះរបាំងថ្ម រងការខូចខាត

ដោយ រតនា

ភ្នំពេញ ៖ បុរសម្នាក់បើករថយន្ត មួយគ្រឿង ដោយខ្វះការប្រុងប្រយ័ត្ន បានរេចង្កូតបុកក្បាលរបាំងថ្មពុះចែទ្រូងផ្លូវបណ្តាលឲ្យរងការខូចខាត។ហេតុការណ៍មួយនេះកេីតឡេីងនៅវេលាម៉ោង៤ និង១០ នាទីយប់ទាបភ្លឺឈានចូលថ្ងៃទី១០ ខែសីហា ឆ្នាំ ២០២២ តាមបណ្តោយផ្លូវ មហាវិថី ព្រះ នរោត្តម ចំនុចស្តុបចំការមន ក្នុង សង្កាត់ ទន្លេ បាសាក់ ខណ្ឌ ចំការ មន ។

តាមប្រភពព័ត៌មានពីកន្លែងកើតហេតុបានបញ្ជាក់ក្រុមការងារឲ្យបានដឹងថា៖ នៅមុនពេលកើតហេតុគេបានឃើញ រថយន្តម៉ាកMasda មួយគ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 2BG-9122 បើកដោយបុរសម្នាក់ ធ្វើដំណើរតាមបណ្ដោយផ្លូវមហាវិថីព្រះនរោត្តម ក្នុងទិសដៅពីជើងទៅត្បូង លុះពេលធ្វេីដំណេីរមកដល់ត្រង់ចំណុចកេីតហេតុខាងលេី បេីកបរក្នុងស្ថានភាពល្បឿនលឿន ខ្វះ ការ ប្រុង ប្រយ័ត្ន ក៏ បាន រេចង្កូត បុក ក្បាល នាគ របាំង ពុះ ចែក ទ្រូង ផ្លូវ ពេញទំហឹង បាក់ អស់ ចំនួន ១ កង់ និង បណ្តាលឲ្យរថយ្តរងការខូចខាតចំផ្នែកខាងមុខខ្ទិចស្ទេីតែស្រុងថែមទាំងបែកពោងការពារសុវត្តិភាពខាងក្នុងផងដែល។

ក្រោយពេលកេីតហេតុសម្ថកិច្ចមូលដ្ធានបានចុះមកកន្លែងកេីតហេតុរួចរាយការណ៍បន្តទៅសម្ថកិច្ចជំនាញ ចុះមកធ្វេីការត្រួតពិនិត្យ និងវាស់វែង រួចបានយករថយន្តទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ធាននគរបាលរាជធានីភ្នំពេញរងចាំធ្វេីការដោះស្រាយទៅតាមជំនាញនិតិវិធី៕