ដោយ រតនា
ភ្នំពេញ៖បុរសម្នាក់បើករថយន្តម៉ាកFord Rangerពាក់ផ្លាកលេខរដ្ឋមួយគ្រឿងក្នុងល្បឿនលឿនបានអកស្សឺនិងម៉ូតូក៏បួងចង្កតគេចជ្រុលទៅបុករនាំងថ្មពុះចែកទ្រូងផ្លូវបាក់ចំនួនបីកង់សំណាងល្អមិនគ្រោះថ្នាក់ដល់មនុស្ស។
ហេតុការណ៍គ្រោះថ្នាក់ចរាចរណ៍នេះដែរបានកើតឡើងកាលពីវេលាម៉ោង ៧និង ៣០នាទីយប់ថ្ងៃទី ១៨ខែសីហាឆ្នាំ ២០២២ស្ថិតនៅតាមបណ្ដោយផ្លូវ ២៨៩ ក្នុងសង្កាត់បឹងកក់ទី ១ខណ្ឌទួលគោករាជធានីភ្នំពេញ។
ប្រភពពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តបង្កម៉ាក ford ranger មួយគ្រឿងពាក់ស្លាកលេខរដ្ឋ 252.1323បើកបរតាមបណ្ដោយផ្លូវ ២៨៩ក្នុងទិសដៅពីជើងមកត្បូងក្នុងល្បឿនយ៉ាងលឿនខណៈមកដល់ចំណុចកើតហេតុខាងលើបានអកស្សឺគេចពីម៉ូតូមួយគ្រឿងនៅពីមុខមិនចាំម៉ាកក៏បួងចង្កូតគេចជ្រុលទៅបុករនាំងថ្មពុះចែកទ្រូងផ្លូវចំពាក់កណ្តាលយ៉ាងពេញទំហឹងបណ្តាលអោយបាក់ចំនួនបីកង់ ចំណែករថយន្តបង្កវិញបានដាច់កង់មុខចំហៀងខាងឆ្វេងរងការខូចខាតយ៉ាងធ្ងន់ធ្ងរ ហើយភ្លាមនោះដែរបុរសជាតៃកុងរថយន្តបង្កបានរត់គេចចេញពីកន្លែងកើតហេតុបាត់ស្រមោល។
ក្រោយកើតហេតុខាងលើសមត្ថកិច្ចមូលដ្ឋានសហការជាមួយនិងផ្នែកជំនាញចរាចរណ៍ចុះមកដល់រួចពិនិត្យនិងទំនាក់ទំនងទៅផ្នែកជំនាញចរាចរណ៍ក្រុងអោយចុះមកវាស់វែងយករថយន្តស្ទូចមកស្ទូចយករថយន្តបង្កទៅរក្សាទុកនៅខាងការិយាល័យចរាចរណ៍ជំនាញផ្លូវគោកនៃស្នងការដ្ឋាននគបាលរាជធានីភ្នំពេញរងចាំដោះស្រាយនៅពេលក្រោយ៕
