ក្រុមBayern Munich បានលត់ក្រុម Bochum ក្នុងលទ្ធផល៧-០ ឯណោះក្នុងការប្រកួតសប្ដាហ៍ទី៣នៃក្របខណ្ឌ Bundesligaរបស់ប្រទេសអាល្លឺម៉ង់។
នៅក្នុងជំនួបខាងលើនេះដែរ ក្រុមBayern អាចរកបានដល់ទៅ៤គ្រាប់ឯណោះនៅត្រឹមវគ្គទី១ ក្នុងនោះធ្វើបានដោយខ្សែបម្រើប្រយុទ្ធ Leroy Sane, Sadio Mane, Kingsley Coman និងខ្សែការពារ Matthijs De Ligt។នៅវគ្គទីពីរក្រុមរបស់លោក Julian Nagelsmann នៅតែបន្តរកបាន៣គ្រាប់បន្ថែមទៀត។
ពោលគឺនៅនាទី៦០ Mane រកបានគ្រាប់ទីពីរក្នុងការប្រកួតនេះ ខណៈ Gamboa របស់ ក្រុមBochum ធ្វើចូលទីខ្លួនឯងមួយគ្រាប់ ហើយ Gnabry ជាអ្នករកបានគ្រាប់ទី៧ឲ្យ Bayern។ដោយ ឆ្លងកាត់៣ប្រកួតក្នុងលីគBundesliga ក្រុមBayern ឈ្នះទាំងអស់និងស៊ុតបាន១៥គ្រាប់៕
