ខ្សែបម្រើ Casemiro បាននិយាយថាខ្លួនមកលេងនៅ Manchester United នេះ គឺចង់ឈ្នះពានរង្វាន់ English Premier League ។
កាលពីយប់មិញនេះ Casemiro បានបង្ហាញខ្លួនជាផ្លូវការនៅកីឡដ្ឋាន Old Trafford ហើយ។វត្ដមានរបស់គេ ក៏ឃើញថាបានល្អប្រសើរផងដែរ ព្រោះបានមកមើលការប្រកួតដែលក្រុមបិសាចក្រហមអាចយកឈ្នះលើក្រុម Liverpool បានក្នុងលទ្ធផល ២-១។
ក្នុងឱកាសនោះដែរ Casemiro បាននិយាយថា៖«ខ្ញុំសប្បាយចិត្តដែលបានមកទីនេះ ដើម្បីអភិវឌ្ឍខ្លួនបន្ថែមទៀតជាមួយក្លិប Manchester United។ ខ្ញុំមកទីនេះមិនមែនដើម្បីលុយនោះទេ ខ្ញុំមកទីនេះដើម្បីក្ដីស្រមៃ។ ខ្ញុំបានបញ្ចប់ដំណើរដ៏អស្ចារ្យជាមួយ Real Madrid ហើយ ដូច្នេះខ្ញុំចង់ចាប់ផ្ដើមដំណើរដ៏ល្អប្រសើរបន្ថែមទៀតជាមួយ Man Utd ម្ដង។ ខ្ញុំចង់ឈ្នះពានរង្វាន់ Premier League នៅទីនេះ»។
សូមជម្រាបថាកីឡាករសញ្ជាតិប្រេស៊ីលបានផ្លាស់ចេញពី Real Madrid មកកាន់កីឡដ្ឋាន Old Trafford ក្នុងតម្លៃខ្លួន៧០លានផោន។ គេបានចុះកុងត្រារយៈពេល៤ឆ្នាំ និងទទួលបានថ្លៃពលកម្ម ៣៧.៥ម៉ឺនផោនក្នុងមួយសប្ដាហ៍៕
