ក្លិបManchester United កំពុងបង្កើនសំណើដេញថ្លៃដល់ទៅ៨០លានផោនទៅកាន់ Ajax ដើម្បីតាមទិញខ្សែបម្រើប្រយុទ្ធ Antony។
អ្នកចាត់ការទូទៅក្រុមបិសាចក្រហមលោក Erik ten Hag ចង់បានកីឡាករសញ្ជាតិប្រេស៊ីលមកកាន់ទឹកដី Old Trafford ក្នុងរដូវក្ដៅនេះ។យ៉ាងណាមិញសំណើចុងក្រោយរបស់ManUtd ៦៨លានផោនត្រូវបានបដិសេធ។ ក្លិបអង់គ្លេសខាងលើត្រូវបានគេរំពឹងថា នឹងបង្កើនសំណើដល់៨០លានផោនដើម្បីយកបានកីឡាករវ័យ២២ឆ្នាំមកបំពេញបន្ថែមនៅតំបន់ប្រយុទ្ធ។
ដោយឡែក ខ្សែការពារ Eric Bailly បាននិយាយលាមិត្តរួមក្រុមនៅទីលានហ្វឹកហាត់ Carrington កាលពីថ្ងៃអង្គារមុនហោះទៅកាន់ប្រទេសបារាំងចូលរួមជាមួយក្រុម Marseilla ក្នុងលក្ខខណ្ឌខ្ចីជើងក្នុងតម្លៃខ្លួន២លានផោន។ Marseilla អាចនឹងយក Bailly ផ្ដាច់ដោយបង់៦លានផោន ប្រសិនបើពួកគេបានទៅលេងនៅ Champions League រដូវកាលក្រោយ៕
