តម្លៃឧស្ម័នធម្មជាតិបានកើនឡើងនៅលើទីផ្សារអ៊ឺរ៉ុ ដោយសារការភ័យខ្លាចថារុស្ស៊ីនឹងបញ្ឈប់ការផ្គត់ផ្គង់ឧស្ម័នធម្មជាតិដល់ប្រទេសអាល្លឺម៉ង់នៅចុងខែនេះ។
ក្រុមហ៊ុន Gazprom ដែលមានទំនាក់ទំនងជាមួយរដ្ឋាភិបាលរបស់ប្រទេសរុស្ស៊ីបានប្រកាសកាលពីថ្ងៃសុក្រសប្តាហ៍មុនថាខ្លួននឹងផ្អាកការផ្គត់ផ្គង់ឧស្ម័នធម្មជាតិទៅកាន់ប្រទេសអាល្លឺម៉ង់តាមរយៈបំពង់ Nord Stream រយៈពេលបីថ្ងៃនៅចន្លោះថ្ងៃទី 31 ខែសីហាដល់ថ្ងៃទី 2 ខែកញ្ញាសម្រាប់ការថែទាំប្រចាំឆ្នាំ។
សេចក្ដីប្រកាសខាងលើនេះបានបង្កើនក្តីបារម្ភនៅអឺរ៉ុបដែលការផ្គត់ផ្គង់អាចត្រូវបានផ្អាកក្នុងរយៈពេលយូរជាងនេះ។
គួរជ្រាបថាសន្ទស្សន៍តំលៃឧស្ម័ន TTF របស់ប្រទេសហូឡង់ បានកើនឡើងច្រើនជាង 15 ភាគរយដែលកើនឡើងជិតដល់ 300 អឺរ៉ូក្នុងមួយមេហ្គាវ៉ាត់ម៉ោងកាលពីថ្ងៃពុធ៕
