ក្រុម Newcastle United បានយល់ព្រមទិញខ្សែប្រយុទ្ធ Alexander Isak ពីក្រុម Real Sociedad ក្នុងតម្លៃកំណត់ត្រា៧០លានផោនឯណោះដើម្បីយកមកពង្រឹងក្រុម។
ក្លិបដែលមានម្ចាស់ជាសេដ្ឋីអារ៉ាប់ប៊ីសាអូឌីតខាងលើនេះ ធ្វើបានល្អដែរហើយនៅដើមរដូវកាលនេះ ប៉ុន្តែពួកគេក៏នៅមានមហិច្ឆតាបន្ថែមទៀត។ ជាក់ស្ដែង នៅពេលនេះ Newcastle United កំពុងយល់ព្រមចំណាយប្រាក់ដល់ទៅ៧០លានអឺរ៉ូឯណោះ ដើម្បីទិញយកខ្សែប្រយុទ្ធ Alexander Isak ពីក្រុម Real Sociedad ។
សូមជ្រាបថាIsak នេះ បានចូលរួមជាមួយក្រុម Sociedad នៅឆ្នាំ២០១៩ ដោយកាលនោះផ្ទេរពីក្រុម Dortmund មកក្នុងតម្លៃខ្លួនត្រឹមតែ១០លានអឺរ៉ូប៉ុណ្ណោះ។ បន្ទាប់ពីចំណាយពេល៤ឆ្នាំនៅក្លិបនេះ រូបគេបានក្លាយជាកីឡាករដែលមានតម្លៃខ្លួនខ្ពស់បំផុតរបស់ក្រុម Real Sociedad ៕
