ក្រុមកាំភ្លើងធំArsenal បានបន្តយកឈ្នះ ដោយលទ្ធផល ២-១ ទៅលើ Fulham នៅសប្ដាហ៍ទី ៤ ក្របខ័ណ្ឌ លីគកំពូលអង់គ្លេសកាលពីយប់មិញធ្វើឲ្យក្រុមដឹកនាំដោយលោក Mikel Arteta បន្តឈរកំពូលតារាងមាន ១២ ពិន្ទុពេញ។
គ្រាប់បាល់ក្នុងជំនួបខាងលើកើតឡើងនៅនាទី ៥៦ ជាការនាំមុខ ពី Aleksandar Mitrovic របស់ Fulham មុនពេល Arsenal រកបានពីរគ្រាប់បាល់ជាបន្តបន្ទាប់ នៅនាទី ៦៤ និង ៨៦ ដោយកីឡាករ Martin Odegaard និង Gabriel Magalhaes។
ក្រោយចប់ការប្រកួតគ្រូបង្វឹក Fulham និយាយថា៖«ខ្ញុំនៅតែសសើរកូនក្រុមរបស់ខ្ញុំ តាំងពីនាទីដំបូងដល់នាទីចុងក្រោយ គ្រាន់ថាតង់ទី ២ តានតឹងបន្តិច ការដាក់សម្ពាធពីខាង Arsenal ក៏មានច្រើន ទោះជាយ៉ាងណាយើងនៅបន្តបង្កើតឱកាស ហើយធ្វើបានល្អប្រសើរ ដោយយើងសក្តិសមទទួលបានលទ្ធផលល្អជាងនេះ»។
លោកបានបន្តថាArsenalពុំបានបង្កើតឱកាសច្រើនឡើយ ស៊ុតបាន ២ គ្រាប់មែន តែពីរគ្រាប់នោះ ជាគ្រាប់បាល់សំណាងទេ៕
