ដោយ រតនា
ភ្នំពេញ ៖ រថយន្តចំនួន២ គ្រឿងបុកគ្នាពេញទំហឹង ត្រង់ ចំណុចស្តុបផ្លូវបំបែកជាបួន បណ្តាលអោយរងការខូចខាត។ហេតុការណ៍ មួយ នេះ កើត ឡើងនៅវេលាម៉ោង៣ ទាបភ្លឺឈានចូលថ្ងៃទី៣០ ខែសីហា ឆ្នាំ ២០២២ ចំណុចស្តុបសម្តេចប៉ាន តាមបណ្តោយផ្លូវមហាវិថីព្រះមុន្នីវង្ស កែងផ្លូវ២១៤ ក្នុងសង្កាត់បឹងរាំង ខណ្ឌដូនពេញ ។
តាមប្រភពព័ត៌មានពីកន្លែងកើតហេតុបានបញ្ជាក់ក្រុមការងារអោយបានដឹងថា៖ នៅមុនពេលកើតហេតុគេបានឃើញរថយន្តម៉ាក Toyota Prius ពណ៌ផ្ទៃមេឃ មួយគ្រឿង ពាក់ស្លាកលេខ ភ្នំពេញ 2BB-4719 បើកដោយបុរសម្នាក់ ធ្វើដំណើរតាមបណ្ដោយផ្លូវមហាវិថីព្រះមុនីវង្ស ក្នុងទិសដៅពីត្បូងទៅជើង លុះពេលធ្វេីដំណេីរមកដល់ចំណុចកេីតហេតុខាងលេីក៏ស្រាប់តែមានរថយន្តស៊េរី ទំនើប ម៉ាក Lexus RX350 ពណ៌ស មួយគ្រឿង ពាក់ស្លាកលេខ ភ្នំពេញ 2AF-9666 បេីកដោយបុរសម្នាក់និងនារីរួមដំណេីរ តាមបណ្តោយផ្លូវ២១៤ ក្នុងទិសដៅពីកេីតទៅលិច ក្នុងស្ថានភាពល្បឿនលឿន ថែមទាំង បំពានភ្លេីងសញ្ញាស្តុបពណ៌ក្រហម ជាន់ហ្រ្វាំងមិនទាន់ក៏ជ្រុលទៅបុកចំរថយន្ត Toyota Prius ពេញទំហឹងបណ្តាលឲ្យរងការខូចខាតចំផ្នែកខាងមុខជំហៀងខាងស្តាំយ៉ាងដំណំផងដែល។ រីឯរថយន្ត Lexus RX350 ទទួលរងការខូចខាតចំផ្នែកខាងមុខខ្ទិចស្ទេីទាំងស្រុង រួចដេីរគេចខ្លួនចេញទៅបាត់ បន្សល់ទុកតែរថយន្តនៅកន្លែងកេីតហេតុខាងលេី។
ក្រោយពេលកេីតហេតុសម្ថកិច្ចជំនាញ បានធ្វេីការ វាស់វែង រួចបានយករថយន្តទាំងពីរទៅរក្សាទុកនៅករិយាល័យចរាចរណ៍ផ្លូវគោកនៃស្នងការរដ្ធាននគរបាលរាជធានីភ្នំពេញ ដេីម្បីរង់ចាំម្ចាស់រថយន្តចូលខ្លួនទៅដោះស្រាយគ្នានៅពេលក្រោយបន្ត៕
