ដោយ រតនា
ភ្នំពេញ ៖ រថយន្តចំនួន ២គ្រឿងបុកគ្នាពេញទំហឹងត្រង់ចំណុចផ្លូវបំបែកជាបួនបណ្ដាលឲ្យរងការខូចខាត ព្រោះតែប្រញ៉ាប់ដូចគ្នា មិនគោរពសិទ្ធអទិភាព។
ហេតុការណ៍នេះកើតឡើងនៅវេលាម៉ោង ១និង ៥០នាទីយប់រំលងអាធ្រាតឈានចូលថ្ងៃទី ៣១ ខែសីហា ឆ្នាំ ២០២២ ត្រង់ចំណុចផ្លូវបំបែកជាបួនតាមបណ្ដោយផ្លូវ ៣១០ កែងផ្លូវ ១៩៣ ក្នុងសង្កាត់បឹងកេងកងទី ៣ ខណ្ឌបឹងកេងកង រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានបញ្ជាក់ក្រុមការងារអោយបានដឹងថា៖ នៅមុនពេលកើតហេតុបានឃើញរថយន្ត Nissan ពណ៌ស មួយគ្រឿង ពាក់ ស្លាក លេខ ភ្នំពេញ 2U-8320 បេីកដោយបុរសម្នាក់ធ្វេីដំណេីរតាមបណ្តោយផ្លូវ៣១០ ក្នុងទិសដៅពីកេីតទៅលិច លុះពេលធ្វេីដំណេីរមកដល់ចំណុចកេីតហេតុខាងលេីក៏ស្រាប់តែមានរថយន្ត ស៊េរី ទំនើប ម៉ាក Land Cruiser ពណ៌ស មួយគ្រឿង ពាក់ស្លាកលេខ ភ្នំពេញ 2BD-3233 បេីកដោយជនបរទសម្នាក់និង៤ នាក់ទៀតរួមដំណេីរ តាមបណ្តោយផ្លូវ១៤៣ ក្នុងទិសដៅពីត្បូងទៅជេីង ក្នុងស្ថានភាពល្បឿនលឿន មិនបានប្រុងប្រយ័ត្នក៏ជ្រុលទៅបុករថយន្តNissan ពេញទំហឹងបណ្តាលអោយរងការខូចខាតចំផ្នែកខាងមុខជំហៀងខាងឆ្វេងកំពិតកាងនិងបែកកង់រថយន្ត។ ចំណែកឯរថយន្តម៉ាកLand Cruiser ទទួល រងការ ខូចខាត ចំផ្នែក ខាង មុខ ខ្ទិច ទាំងស្រុង ។
ក្រោយពេលកេីតហេតុសម្ថកិច្ចជំនាញបានធ្វេីការវាស់វែង រួចបានយករថយន្តទាំងពីរទៅរក្សាទុកនៅករិយាល័យចរាចរណ៍ផ្លូវគោកនៃស្នងការដ្ធាននគរបាលរាជធានីភ្នំពេញ ដេីម្បីរងចាំធ្វេីការដោះស្រាយគ្នា៕
