និយ័តករប្រឆាំងបទល្មើសហិរញ្ញវត្ថុអូស្ត្រាលីបានឱ្យដឹងកាលពីថ្ងៃចន្ទថា ខ្លួននឹងស៊ើបអង្កេតក្រុមហ៊ុនល្បែងភ្នាល់របស់ចក្រភពអង់គ្លេស Entain ដើម្បីវាយតម្លៃថា តើក្រុមហ៊ុននេះបានអនុលោមទៅតាមច្បាប់ស្តីពីការប្រឆាំងការលាងលុយកខ្វក់ និងច្បាប់ហិរញ្ញប្បទានប្រឆាំងភេរវកម្មរបស់ប្រទេសឬយ៉ាងណា។
មជ្ឈមណ្ឌលរបាយការណ៍និងវិភាគប្រតិបត្តិការអូស្ត្រាលី (AUSTRAC) បានបញ្ជាក់ថា ការស៊ើបអង្កេតលើការប្រតិបត្តិរបស់ក្រុមហ៊ុន Entain Group Pty ត្រូវបានធ្វើឡើង បន្ទាប់ពីមានយុទ្ធនាការត្រួតពិនិត្យលើអង្គភាពល្បែងភ្នាក់ស៊ីសងនេះ។
លោកស្រី Nicole Rose នាយកប្រតិបត្តិមជ្ឈមណ្ឌលរបាយការណ៍និងវិភាគប្រតិបត្តិការអូស្ត្រាលី ហៅកាត់ថា AUSTRAC បាននិយាយ៖ “អង្គភាពដែលមានកាតព្វកិច្ចប្រកាសពន្ធលើប្រាក់ចំណូល មានទំនួលខុសត្រូវក្នុងការធានាថា ពួកគេកំណត់ វាយតម្លៃ និងគ្រប់គ្រងហានិភ័យនៃការលាងលុយកខ្វក់ និងហិរញ្ញប្បទានភេរវកម្ម ដោយអនុវត្តតាមច្បាប់”។
គួរបញ្ជាក់ផងដែរថា Entain គឺជាម្ចាស់យីហោល្បែងភ្នាល់ស៊ីសងកំពូលរបស់អូស្ត្រាលីពីរផ្សេងទៀតដូចជា Ladbrokes និង Sportingbet ហើយកាន់កាប់ប្រហែលមួយភាគប្រាំមួយនៃទីផ្សារល្បែងភ្នាល់តាមប្រ័ពន្ធអ៊ីនធឺណិតរបស់ប្រទេស។ ក្រុមហ៊ុនមិនបានឆ្លើយតបភ្លាមៗចំពោះសំណើសុំការធ្វើអត្ថាធិប្បាយបន្ថែមរបស់អ្នកកាសែតឡើយ៕
