ព្រះមហាក្សត្រ អបអរសាទរព្រះមហាក្សត្រថ្មី នៃចក្រភពអង់គ្លេស និងអៀឡង់ខាងជើង

ភ្នំពេញ៖ ព្រះមហាក្សត្រនៃព្រះរាជាណាចក្រកម្ពុជា ព្រះបាទបរមនាថ នរោត្តម សីហមុនី បានមានព្រះរាជសង្ឃឹមថាទំនាក់ទំនងកម្ពុជា-ចក្រភពអង់គ្លេសនឹងបន្តរីកចម្រើនថែមទៀតក្រោមរាជស្ដេច Charles ថ្មីរបស់ចក្រភពអង់គ្លេស។

នៅក្នុងព្រះរាជសារផ្ញើទៅកាន់ស្ដេច CHARLES ទី៣ នៃព្រះរាជាណាចក្រអង់គ្លេស និងអៀរឡង់ខាងជើង ព្រះបាទបរមនាថ នរោត្តម សីហមុនី បានមានរាជឱង្ការថ្វាយព្រះពរ និងប្រសិទ្ធពរជ័យជូនដល់ស្ដេច Charles ទី៣ ចំពោះការឡើងសោយរាជសម្បត្តិរបស់ព្រះអង្គ។ ព្រះអង្គបានមានរាជឱង្ការថា ព្រះអង្គមានទំនុកចិត្តថាចំណងមិត្តភាព និងកិច្ចសហប្រតិបត្តិការដ៏ល្អដែលមានស្រាប់រវាងព្រះរាជាណាចក្រ និងប្រជាជនរបស់ប្រទេសទាំងពីរនឹងបន្តរីកចម្រើនក្រោមរជ្ជកាលរបស់ព្រះករុណា។

ព្រមជាមួយគ្នានោះព្រះមហាក្សត្រ និងព្រះវររាជមាតាក៏បានថ្វាយព្រះពរចំពោះមហេសីរបស់ស្ដេច Charles គឺព្រះនាង Camilla ផងដែរ។ ព្រះអង្គម្ចាស់ Charles បានក្លាយជាស្តេចនៃចក្រភពអង់គ្លេស និងអាណាចក្រចំនួន ១៤ ផ្សេងទៀត កាលពីថ្ងៃច័ន្ទ ដោយស្នងរាជបន្តពីមហាក្សត្រី Elizabeth ទី២ ដែលបានសោយទីវង្គត ដោយបញ្ចប់ការរង់ចាំជាង ៧០ឆ្នាំ ដែលជាអ្នកស្នងមរតកដ៏យូរបំផុតក្នុងប្រវត្តិសាស្ត្រអង់គ្លេស៕