អ្នកចាំទី Ben Foster បានប្រកាស ចូលនិវត្តន៍ពីអាជីពជាកីឡាករជាផ្លូវការ។ អតីតអ្នកចាំទីវ័យ ៣៩ ឆ្នាំ បានផុតកុងត្រាក្លាយជាកីឡាករឥតតម្លៃខ្លួនជាមួយក្លិប Watford កាលពីចុងខែមិថុនា ឆ្នាំ ២០២២។
យ៉ាងណាក៏ដោយ Newcastle United បានចាប់អារម្មណ៍មកលើអ្នកចាំទីសញ្ជាតិអង់គ្លេសខាងលើផងដែរ តែសាមីខ្លួនបដិសេធហើយជ្រើសយកការចូលនិវត្តន៍ណេលនេះតែម្តងទៅ។
អ្នកចាំទីវ័យជ្រេ Foster និយាយថា៖«ខ្ញុំក៏មិនចង់បដិសេធសំណើក្លិប Newcastleដែរតែស្ថិតក្នុងវ័យនេះ ឲ្យខ្ញុំត្រូវនៅឆ្ងាយពីគ្រួសារ គឺជារឿងដ៏លំបាកបំផុត»។
លោកបន្ត៖«វាជារឿងដែលពិបាក ហើយវាជាអារម្មណ៍ដែលពិបាកនឹងបកស្រាយទៅកាន់មនុស្សរាល់គ្នា ការដែលវាជាកិច្ចព្រមព្រៀងល្អមួយ តែពេលគិតដល់ត្រូវទៅរស់នៅក្នុងផ្ទះតែម្នាក់ឯង នៅ Newcastle ឆ្ងាយពីគ្រួសារ គឺខ្ញុំធ្វើអត់បានទេ ម្យ៉ាងវិញទៀតខ្ញុំមានវ័យជ្រេបន្តិចទៅហើយ»៕
