ដោយ ៖ រតនា
ភ្នំពេញ៖ ឆាបឆេះ ឃ្លាំងស្តុបឥវ៉ាន់មួយកន្លែង ស្ថិតនៅផ្លូវ៣៧៤ ភូមិ០៥ សង្កាត់ បឹងកេងកង១ ខណ្ឌបឹងកេងកង រាជធានីភ្នំពេញ ។ហេតុការណ៏អគ្គិភ័យនេះកើតឡើងពីវេលាម៉ោង៩:០០ នាទីព្រឹក ត្រូវនិងថ្ងៃទី១៩ ខែកញ្ញា ឆ្នាំ២០២២ ។
តាមប្រភពព័ត៏មានពីប្រជាពលរដ្ឋបានប្រាប់អោយដឹងថា មុនដំបូងគេបានឃើញផ្សែងខ្មៅខ្លាំងហ៊ុយចេញពីឃ្លាំងស្តុបឥវ៉ាន់ ក៏ជួយគ្នាយកបំពុងពន្លត់អគ្គិភ័យ មកបាញ់ពន្លត់អស់ជាច្រើនបំពុង នៅតែមិនអាចគ្រប់គ្រងបាន ទើបបងប្អូនប្រជាពលរដ្ឋប្រញាប់រាយការណ៏ជូន សមត្ថកិច្ចមូលដ្ឋាន ដើម្បីអោយឪ្យជួយអន្តរាគមន៏ ទៅកាន់ មន្រ្តីជំនាញខាងពន្លត់អគ្គិភ័យ និងចេញរថយន្តមកជួយពន្លត់ឪ្យទាន់ពេលវេលា ជៀសវាងឆាបឆេះ រាលដាលដល់ផ្ទះបងបអូនប្រជាពលរដ្ឋ។
យោងតាមការសន្និដ្ឋានរបស់មន្រ្តីជំនាញអគ្គិភ័យ គឺ បណ្តាលមកពីការឆ្លងចរន្តអគ្គិសនី ចំណែកសម្ភារៈដែលស្តុបទុកក្នុងឃ្លាំង រងការខូចខាតបន្តិចបន្តួច តែមិនបានបណ្តាលឲ្យ នរណាម្នាក់រងគ្រោះ ឡើយ។
គួរបញ្ជាក់ផងដែរករណីអគ្គិភ័យនេះបានប្រើប្រាស់រថយន្តពន្លត់របស់ការិយាល័យនគរបាលបង្ការពន្លត់ អគ្គិភ័យនិងសង្គ្រោះរបស់ ស្នងការដ្ឋាននគរបាលរាជធានីភ្នំពេញ ៣គ្រឿង ហើយ ប្រើប្រាស់ ទឹកអស់ ចំនួន៣គ្រឿង ១២មែត្រគូប និងបានរលត់ជាស្ថាពរ នៅវេលាម៉ោង ៩:៣០នាទី នាថ្ងៃ-ខែ-ឆ្នាំដដែល៕
