ក្រុមអ្នកមានបុណ្យ FC Barcelona ចង់បានខ្សែប្រយុទ្ធ Marco Asensioរបស់ក្រុមអធិរាជស Real Madrid ក្រោយពីមើលឃើញកីឡាករអេស្ប៉ាញនេះមិនសូវបានលេងនាដើមរដូវកាលនេះ។
ក្រុមរបស់លោក Xavi ទោះបីពួកគេនាំកីឡាករចូលច្រើននាក់នៅទីផ្សារដោះដូរកីឡាករកន្លងទៅមែន ក៏ពួកគេនៅតែ ចង់បានខ្សែប្រយុទ្ធម្នាក់ទៀត។ ដោយAsensio ជាបេក្ខភាពខ្សែប្រយុទ្ធទី១ដែលក្រុមអ្នកមានបុណ្យសម្លឹងមើលនិងចង់បាននាទីផ្សារដោះដូរ នៅខែមករាដើមឆ្នាំ២០២៣ខាងមុខ។
គូសបញ្ជាក់ថាAsensio នៅសល់កុងត្រាមិនដល់១ឆ្នាំទៀតទេជាមួយក្រុម Real Madrid ដូច្នេះហើយនេះជាឱកាសល្អសម្រាប់ក្រុមរបស់លោក Xavi ចូលទៅចរចាយកកីឡាករវ័យ២៦ឆ្នាំរូបនេះមកលេងនៅ Camp Nou ៕
