ដោយ រតនា
ភ្នំពេញ៖ កម្លាំងគណៈបញ្ជាការឯកភាពខណ្ឌដូនពេញបាទចុះត្រួតពិនិត្យតាមបណ្ដាហាងកុងស៊ីទទួលបញ្ចាំនូវមូលដ្ឋានខណ្ឌភ្នំពេញមានចំនួន ២៥ ទីតាំងដោយបានត្រួតពិនិត្យឃើញថាទីតាំងទៅនោះគឺមានច្បាប់ត្រឹមត្រូវ។
ប្រតិបត្តិការនេះ ធ្វើឡើងនៅយប់ថ្ងៃអង្គារ ទី២០ ខែកញ្ញា ឆ្នាំ២០២២ លោក ជា ខេមា អភិបាល នៃគណៈអភិបាលខណ្ឌដូនពេញ បានដឹកនាំកម្លាំងចម្រុះខណ្ឌ ចុះត្រួតពិនិត្យទីតាំងកុងស៊ីបញ្ចាំតាមបណ្តោយផ្លូវលេខ១៤៤ ស្ថិតក្នុងសង្កាត់ផ្សារកណ្តាលទី១ និងផ្សារកណ្តាលទី២ ខណ្ឌដូនពេញ រាជធានីភ្នំពេញ។
មន្រ្តីជំនាញនៃខណ្ឌដូនពេញបានដឹងថា ក្នុងប្រតិបត្តិការរបស់កម្លាំងគណៈបញ្ជាការឯកភាពខណ្ឌបានធ្វើការត្រួតពិនិត្យទីតាំងហាងបញ្ចាំ នៅតាមបណ្ដោយផ្លូវលេខ១៤៤ និងមូលដ្ឋានសង្កាត់ផ្សារកណ្ដាលទី១ និង សង្កាត់ផ្សារកណ្ដាលទី២ មាន ចំនួន ២៥ ទីតាំង ដើម្បីពិនិត្យមើលច្បាប់ទីតាំងកុងស៊ីបញ្ចាំ និងអាជ្ញាប័ណ្ណពាក់ព័ន្ធ តែជាលទ្ធផលទីតាំងទាំងអស់នោះសុទ្ធតែមានច្បាប់អនុញ្ញាតត្រឹមត្រូវ។
ចុងក្រោយលោក ជា ខេម៉ា អភិបាលខណ្ឌដូនពេញសំណូមពរដល់បងប្អូនប្រកបអាជីវកម្មហាងបញ្ចាំសូមប្រកបអាជីវកម្មឲ្យស្របច្បាប់ កុំប្រព្រឹត្តបទល្មើសក្រោមអាជ្ញាប័ណ្ណស្របច្បាប់៕
