ក្រុមហ៊ុន Samsung Electronics ផ្នែកផលិតបន្ទះឈីបតាមកិច្ចសន្យា បានប្រកាសពីផែនការបង្កើនសមត្ថភាពផលិតបន្ទះឈីបកម្រិតខ្ពស់របស់ខ្លួនលើសពីបីដងនៅឆ្នាំ២០២៧ ដើម្បីបំពេញតម្រូវការដែលមិនថមថយ ទោះបីជាសេដ្ឋកិច្ចពិភពលោកបច្ចុប្បន្នកំពុងមានភាពតានតឹងក្ដី។
រោងចក្រដ៏ធំបំផុតទីពីររបស់ពិភពលោក បន្ទាប់ពីក្រុមហ៊ុន Taiwan Semiconductor Manufacturing Co កំពុងកំណត់គោលដៅផលិតកម្មដ៏ធំនៃបន្ទះឈីបបច្ចេកវិទ្យាកម្រិតខ្ពស់ប្រភេទ 2-nanometer នៅឆ្នាំ២០២៥ និងបន្ទះឈីប 1.4-nm នៅឆ្នាំ២០២៧ ដែលត្រូវបានកំណត់សម្រាប់ប្រើប្រាស់ក្នុងកម្មវិធីដូចជាកុំព្យូទ័រដែលមានសមត្ថភាពខ្ពស់ និងបញ្ញាសិប្បនិម្មិត។
នាយករងប្រតិបត្តិ លោក Moonsoo Kang បានលើកឡើងកាលពីថ្ងៃអង្គារថា៖ “មានការវិវឌ្ឍខ្លះក្នុងការបង្កើនតម្លៃនៅឆ្នាំនេះ ហើយការចំណាយកំពុងត្រូវបានឆ្លុះបញ្ចាំង”។
ក្រុមហ៊ុន Samsung បានចាប់ផ្តើមផលិតបន្ទះឈីបជាច្រើនជាមួយនឹងបច្ចេកវិទ្យា 3-nm នៅក្នុងខែមិថុនា។ ក្រុមហ៊ុន Samsung បាននិយាយថា ក្រុមហ៊ុនកំពុងពិភាក្សាជាមួយអតិថិជន ដែលមានសក្តានុពលសម្រាប់ការសហការនិងការបញ្ជាទិញបន្ទះឈីប 3-nm ដែលក្នុងនោះរួមមានក្រុមហ៊ុន Qualcomm ក្រុមហ៊ុន Tesla ក្រុមហ៊ុន Advanced Micro Devices និងក្រុមហ៊ុន Samsung ជាដើម។
គួរបញ្ជាក់ផងដែរថា Samsung ដែលជាក្រុមហ៊ុនផលិតបន្ទះឈីបដ៏ធំបំផុតរបស់ពិភពលោក ជួបការលំបាកក្នុងការបំពេញសេចក្ដីត្រូវការរបស់អតិថិជនក្នុងពេលប៉ុន្មានឆ្នាំថ្មីៗនេះ។ អ្នកវិភាគបាននិយាយថា ក្រុមហ៊ុនបានជំរុញបច្ចេកវិទ្យាទំនើបលឿនពេក ដើម្បីប្រកួតប្រជែងជាមួយក្រុមហ៊ុន Taiwan Semiconductor Manufacturing Co ប៉ុន្តែ Samsung មានពិសោធន៍ខ្ចីជាមួយអតិថិជនជាប់កិច្ចសន្យារយៈពេលវែង៕
