មេឃភ្លៀងមើលផ្លូវមិនឃើញជ្រុលបុកក្បាលព្រួញពុះចែកទ្រូងផ្លូវរងការខូចខាត

ដោយ រតនា

ភ្នំពេញ៖ បុរសម្នាក់បេីករថយន្តម៉ាក Toyota Rush ក្នុងល្បឿនលឿន អកសឺគេចម៉ូតូរេចង្កូតឡេីងខឿនជ្រុលទៅបុកបង្កាន់ដៃស្ពានពេញទំហឹងបណ្តាលអោយរងការខូចខាត។ហេតុការណ៍មួយនេះកេីតឡេីងនៅវេលាម៉ោង១០ និង៣០នាទីយប់ថ្ងៃទី០៥ ខែតុលា ឆ្នាំ២០២២ ចំនុចខាងក្រោមស្ពានអាកាស៥ មករា តាមបណ្តោយផ្លូវមហាវិថី សហព័ន្ធ រុស្ស៊ី សង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ។

យោងទៅតាមប្រភពពត៌មានពីកន្លែងកេីតហេតុបានប្រាប់អ្នកយកពត៌មានអោយបានដឹងថា៖ មុនកេីតហេតុគេបានឃេីញរថយន្តស៊េរីទំនេីបម៉ាក Toyota Rush ពណ៌ស ពាក់ស្លាកលេខភ្នំពេញ2BI-4377 បេីកបរដោយបុរសម្នាក់ធ្វេីដំណេីរតាមបណ្តោយផ្លូវ សហព័ន្ធ រុស្ស៊ី ទិសដៅពីលិចទៅកេីត។

លុះពេលធ្វេីដំណេីរមកដល់ចំណុចកេីតហេតុខាងលេីបានអកសឺគេចម៉ូតូរេចង្កូតឡេីងខឿនរួចបន្តជ្រុលទៅបុកបង្កាន់ដៃស្ពានអាកាស៥ មករាចំពីមុខពេញទំហឹងបណ្តាលអោយរថយន្តទទួលរងការខូចខាតចំផ្នែកខាងមុខខ្ទិចស្ទេីតែទាំងស្រុងនិងបែកពងកាពារសុវត្ថិភាពចំនួន២ ផងដែរ។ក្រោយពេលកេីតហេតុសម្ថកិច្ចមូលដ្ធានបានចុះទៅទីតាំងកេីតហេតុហេីយត្រួតពិនិត្យមិនឃេីញមានខូចខាតអ្វីក៏បានប្រគល់រថយន្តជូនម្ចាស់អោយយកទៅជួសជុលដោយខ្លួនឯង៕