ដោយ រតនា
ភ្នំពេញ ៖ នារីរូបស្រស់ម្នាក់បេីកបររថយន្តម៉ាកNISSAN មួយគ្រឿង បុកជាមួយនិងម៉ូតូខ្ទាតទៅចិញ្ចេីមផ្លូវបណ្តាលអោយបុរសម្នាក់រងរបួសធ្ងន់ធ្ងរ។
ហេតុការណ៍មួយនេះកេីតឡេីងនៅវេលាម៉ោង១២ រំលងអាធ្រាត្រឈានចូលថ្ងៃទី០៧ ខែតុលា ឆ្នាំ២០២២ តាមបណ្តោយផ្លូវមហាវិថីម៉ៅសេទុង កែងផ្លូវ១៨៣ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។
តាមប្រភពពត៌មានពីកន្លែងកេីតហេតុបានប្រាប់អ្នកយកការណ៍អោយបានដឹងថា៖ មុនពេលកេីតហេតុគេឃេីញយុវជនម្នាក់ជិះម៉ូតូម៉ាក ហុងដាឌ្រីមសង់សេ១២៥ ពណ៌ខ្មៅ ពាក់ស្លាកលេខកំពង់ធំ1A-3855ធ្វេីដំណេីរតាមបណ្តោយផ្លូវមហាវិថីម៉ៅសេទុង ទិសដៅពីជេីងទៅត្បូង។
ខណៈពេលធ្វេីដំណេីរមកដល់ចំណុចកេីតហេតុកែងផ្លូវ១៨៣ ក៏ស្រាប់តែមានរថយន្តម៉ាក NISSAN ពណ៌ស មួយគ្រឿង ពាក់ស្លាកលេខបាត់ដំបង2A-6062 បើកបរដោយនារីរូបស្រស់ម្នាក់ ធ្វើដំណើរតាមបណ្ដោយផ្លូវមហាវិថីម៉ៅសេទុង ទិសដៅពីត្បូងទៅជើង បត់ឆ្វេងឆ្លងកាត់ទៅផ្លូវ១៨៣ អកសឺជាន់ហ្វ្រាំងមិនទាន់ថែមទាំងមិនបានប្រុងប្រយ័ត្ន ក៏ជ្រុលទៅបុកម៉ូតូចំពីមុខពេញទំហឹងបណ្តាលអោយម៉ូតូខ្ទាតទៅចិញ្ចេីមផ្លូវរងការខូចខាត។ ចំណែកឯយុវជនជាអ្នកបេីកបរខ្ទាតផ្លោងចេញពីម៉ូតូរងរបួសធ្ងន់ធ្ងរបាក់ជេីង ត្រូវបានរថយន្តសាមុយរបស់មន្ទីពេទ្យរុស្សីមកយកដឹកទៅសង្គ្រោះបន្ទាន់ភ្លាមៗ។
ក្រោយពេលកើតហេតុក៏មានវត្តមានរបស់កម្លាំងសម្ថកិច្ចមូលដ្ឋានបានចុះទៅទីតាំងកើតហេតុ រួចបន្តរាយការណ៍ទៅសមត្ថកិច្ចជំនាញចុះមកធ្វើការវាស់វែង រួចបានយករថយន្តនិងម៉ូតូ ទៅរក្សាទុកនៅអធិការដ្ឋាននគរបាលខណ្ឌបឹងកេងកង ដើម្បីរង់ចាំដោះស្រាយនៅពេលក្រោយ៕
