បើកបរម៉ូតូលឿនដូចហោះ ខ្វះការប្រុងប្រយ័ត្នក៏ជ្រុលមកបុកកង់បី ឥណ្ឌា បណ្តាលអោយ រងការខូចខាតយ៉ាងដំណំ

ដោយ រតនា

 ភ្នំពេញ៖  យុវជន ចំនូន២  នាក់ជិះម៉ូតូម៉ាក Honda PCX  ក្នុងល្បឿនលឿន ដល់ស្តុបមិនបង្អង់ជ្រុលបុកកង់បីឥណ្ដាចំពីចំហៀងខាងឆ្វេងពេញទំហឹងក្រឡាប់កង់បីជាច្រេីនជុំកិនបុរសនារីជនជាតិជាភ្ញៀវបណ្តាលអោយរងរបួសស្រាល។

ហេតុការណ៍មួយនេះកេីតឡេីងនៅវេលាម៉ោង២ និង១០ នាទីរំលងអាធាត្រុឈានចូលថ្ងៃទី១៣ ខែតុលា ឆ្នាំ២០២២ តាមបណ្តោយផ្លូវមហាវិថីព្រះមុ ន្នីវង្ស កែងផ្លូវមហាវិថីព្រះសីហនុ ចំនុចស្តុបពេទ្យចិន សង្កាត់ ចតុមុខ ខណ្ឌដូនពេញ ។

យោងតាមប្រភពពត៌មានពីកន្លែងកេីតហេតុបានអោយដឹងថា៖ មុនកេីតហេតុគេឃេីញកង់បីឥណ្ឌា ពណ៌ស មួយគ្រឿង ពាក់ស្លាកលេខ រួមដំណេីរមានបុរសនារីជនជាតិ២ នាក់ជាភ្ញៀវ តាមបណ្តោយផ្លូវមហាវិថីព្រះមុន្នីវង្ស ទិសដៅពីជេីងទៅត្បូង។

លុះពេលធ្វេីដំណេីរមកដល់ចំណុចស្តុបពេទ្យចិន កង់បីក៏បានបត់ឆ្វេងទៅផ្លូវមហាវិថីព្រះសីហនុដល់ពាក់កណ្តាលផ្លូវ ក៏ស្រាប់តែមានយុវជនចំនួន២ នាក់ជីះម៉ូតូម៉ាក HONDA  PCX  ពាក់ស្លាកលេខភ្នំពេញ ធ្វេីដំណេីរតាមបណ្តោយផ្លូវមហាវិថីព្រះសីហនុ ទិសដៅពីកេីតលិច ក្នុងស្ថានភាពល្បឿនលឿនខ្វះការប្រុងប្រយ័ត្ន ជ្រុលបុកកង់បីឥណ្ឌាចំពាក់កណ្តាលពេញទំហឹងបណ្តាលអោយកង់បីក្រឡាប់ជាច្រេីនជុំកិនបុរសនារីជនជាតិជាភ្ញៀវបណ្តាលអោយរងរបួសធ្ងន់ស្រាល ។ រីឯកង់បីរងការខូចខាតចំផ្នែកខាងក្រោយចំហៀងខាងឆ្វេងយ៉ាងធ្ងន់ធ្ងរ។ ចំណែកឯម៉ូតូវិញទទួលរងការខូចខាតចំផ្នែកខាងមុខយ៉ាងដំណំផងដែរ។

បន្ទាប់ពីកេីតហេតុយុវជនជិះម៉ូតូបាននាំគ្នារត់គេចខ្លួនចេញពីកន្លែងកេីតហេតុតែត្រូវបានប្រជាពលរដ្ឋធ្វេីដំណេីរឆ្លងកាត់ ឃេីញសភាពបែបនេះក៏ជិះម៉ូតូដេញតាមចាប់បានយុវជនម្នាក់ដឹកយកមកកន្លែងកេីតហេតុវិញ ម្នាក់ទៀតរត់គេចខ្លួនទៅបាត់ស្រមោល។

ក្រោយពេលកើតហេតុសមត្ថកិច្ចមូលដ្ឋានបាន ចុះមកទីតាំងកេីតហេតុហេីយបន្តរាយការណ៍ទៅសមត្ថកិច្ចជំនាញ មកធ្វេីការវាស់វែង យកម៉ូតូនិងកង់បីទៅរក្សាទុកនៅអធិការរដ្ឋាននគរបាលខណ្ឌដូនពេញ ដេីម្បីរងចាំធ្វេីការដោះស្រាយគ្នានៅពេលក្រោយ៕