បើកបររថយន្តក្នុងល្បឿនលឿន ក៏ជ្រុលចង្កូតទៅបុក រថយន្ត២គ្រឿងផ្សេងទៀត បណ្តាលឪ្យខូចខាតស្ទើរទាំងស្រុង

ដោយ រតនា

ភ្នំពេញ  ៖ រថយន្ត ALPHARD ស៊េរីទំនើប បើកបុកជាមួយរថយន្ត LEXUS RX300 នៅផ្លូវបំបែកជាបួន  បណ្ដាលឲ្យរថយន្ត ALPHARD រេចង្កូតទៅបុកដើមឈើ ខ្ទេចមួយកំណាត់មុខ ចំណែករថយន្ត LEXUS RX300 រេចង្កូតទៅបុករថយន្ត Hilux VIGO ដែលចតលេីចិញ្ចេីមផ្លូវ រុញទៅបុកបង្គោលភ្លេីង បណ្ដាលឲ្យ រងការខូចខាត បន្ថែមទៀត ។

ហេតុការណ៍នេះកេីតឡេីងនៅវេលាម៉ោង០២និង ៣០នាទីរំលងអធ្រាត្រ  ឈានចូលថ្ងៃទី១៣ ខែតុលា  ឆ្នាំ២០២២នេះ នៅចំណុចខាងកេីតស្ពាននាគវត្តភ្នំ ផ្លូវបំបែកជាបួន នៅតាមបណ្តោយផ្លូវលេខ១០៦ កែងផ្លូវលេខ១៩ ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ  ។

យោងតាមប្រភពពត៌មានពីកន្លែងកើតហេតុបានអោយដឹងថា៖ នៅមុនពេលកើតហេតុ  គេឃេីញរថយន្តស៊េរីទំនេីប ម៉ាក TOYOYA ALPHARD ពណ៍ស ពាក់ស្លាកលេខភ្នំពេញ 2AX-3757 បេីកបរដោយបុរសម្នាក់  ធ្វេីដំណេីរតាមបណ្ដោយផ្លូវលេខ១៩ ទិសដៅពីត្បូងមកជេីង ។

ខណៈមកដល់ចំណុចកើតហេតុ  ដោយបេីកបរក្នុងស្ថានភាពល្បឿនលឿន ខ្វះការប្រុងប្រយ័ត្នក៏បានទៅបុកជាមួយរថយន្តម៉ាក LEXUS RX300 ពណ៍ខ្មៅ ពាក់ស្លាកលេខភ្នំពេញ  2O-0101 បណ្ដាលឲ្យរថយន្ត រេចង្កូតទៅខាងស្តាំដៃឡេីងចិញ្ចេីមផ្លូវទៅបុករថយន្តម៉ាក HILUX VIGO ពណ៍ស ពាក់ស្លាកលេខភ្នំពេញ 2BP-8931 ដែលចតទុកចោលលេីចិញ្ចេីមផ្លូវ បណ្ដាលឲ្យរងការខូចខាតចំហៀងរថយន្តផ្នែកខាងឆ្វេង និងរុញទៅបុកបង្គោលភ្លេីងបំភ្លឺផ្លូវ ខូចខាត រថយន្តចំហៀងខាងមុខបន្តិចទៀត ។ ចំណែកឯរថយន្ត ALPHRD រេចង្កូតទៅបុកផ្ទប់និងដេីមឈេីពេញទំហឹងបណ្តាលអោយរងការខូចខាតស្ទើរទាំងស្រុង។

ហេតុការណ៏គ្រោះថ្នាក់ចរាចរណ៍ ខាងលេី នេះមិនបង្កឲ្យអ្នកបេីកបររថយន្តណាម្នាក់រងរបួសនោះទេ  គ្រាន់តែខូចខាតរថយន្តទាំងបីគ្រឿងតែប៉ុណ្ណោះ  ។

ក្រោយពេលកើតហេតុ  រថយន្តភាគីទាំងបីបានចរចារគ្នាបញ្ចប់រឿងនៅកន្លែងកេីតហេតុ ដោយភាគីខាងរថយន្ត ALPHARD យល់ព្រមយករថយន្ត LEXUS និងរថយន្ត VIGO យកទៅ ហ្គារ៉ាស់ មេរបស់ខ្លួន ដេីម្បីជួសជុលឲ្យឡេីងវិញផងដែរ  ៕