ដោយ រតនា
ភ្នំពេញ៖ រថយន្ត២គ្រឿងបើកបរខ្វះការអធ្យាស្រាយគ្នានៅផ្លូវបំបែកជាបួន ដោយ រថយន្តស៊េរីទំនេីប Rolls Royseបេីកបរមិនប្រយ័ត្នជ្រុលកៀរជាមួយរថយន្តម៉ាក Highlander បណ្តាលឲ្យរងការខូចខាត តែសំណាងល្អមិនបណ្ដាលឲ្យមានមនុស្សរងរបួសឡើយ។
ហេតុការណ៍នេះកេីតឡេីងនៅវេលាម៉ោង១១ និង៣០ នាទីយប់ថ្ងៃទី៣០ ខែតុលា ឆ្នាំ២០២២ ចំនុច ក្បែរផ្សារ៧មករា តាមបណ្តោយផ្លូវ៦១៤ កែងផ្លូវ ២៨៧ សង្កាត់បឹងកក់ទី២ ខណ្ឌទួលគោក រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា នៅមុនពេលកេីតហេតុគេឃេីញមានរថយន្តម៉ាក Highlander ពណ៌ទឹកប្រាក់ ពាក់ស្លាកលេខភ្នំពេញ2BL-0693 បេីកបរដោយបុរសម្នាក់ ធ្វេីដំណេីរតាមបណ្តោយផ្លូវ២៨៧ទិសដៅពីជើងទៅត្បូង។ លុះពេលធ្វេីដំណេីរមកដល់ចំនុចកេីតហេតុផ្លូវបំបែកជាបួនក៏ស្រាប់តែមានរថយន្តស៊េរីទំនេីបម៉ាក Rolls Roys ពណ៌ខ្មៅ ពាក់ស្លាកលេខកម្ពុជាTS.5666 ធ្វើដំណេីរតាមបណ្តោយផ្លូវ៦១៤ទិសដៅពីកើតទៅលិច បេីកកបរក្នុងល្បឿនលឿនមិនបានប្រយ័ត្ន អកសឺជាន់ហ្វ្រាំងមិនទាន់ក៏ជ្រុលគៀរជាមួយរថយន្ត Highlander បម្រុងនឹងបត់ស្ដាំ បណ្តាលឲ្យរងការខូចខាតររថយន្តទាំង២។ បន្ទាប់ពីកេីតហេតុគេបានឃេីញបុរសនារីធ្វេីដំណេីរក្នុងរថយន្ត Rolls Roys បានដេីរគេចខ្លួនចេញទៅបាត់បន្សល់ទុកតែរថយន្តនៅទីតាំងកេីតហេតុ។
ក្រោយពេលកើតហេតុរថយន្តទាំងពីរត្រូវបានសមត្ថកិច្ចជំនាញចុះមកធ្វេីការវាស់វែង និងយកទៅរក្សាទុកនៅការិយាល័យចររាចរណ៍ផ្លូវគោកនៃស្នងការរដ្ឋាននគរបាលរាជធានីភ្នំពេញ ដេីម្បីរងចាំធ្វេីការដោះស្រាយគ្នានៅពេលក្រោយ៕
