បើករថយន្តមិនគោរពសិទ្ធគ្នា បុកគ្នាពេញទំហឹងនៅផ្លូវបំបែកជាបួន

ដោយ រតនា

ភ្នំពេញ៖ រថយន្តម៉ាក Toyota 4Runner បេីកលឿនមិនប្រយ័ត្នផ្លូវបំបែកជាបួនក៏ជ្រុលទៅបុករថយន្តម៉ាក Toyota Prius ចំពីមុខពេញទំហឹងបណ្តាលឲ្យខូចខាត។

ហេតុការណ៍មួយនេះកេីតឡេីងនៅវេលាម៉ោង១០ និង១០នាទីយប់ថ្ងៃទី១៥ ខែវិច្ឆិកា ឆ្នាំ២០២២ ស្ថិតតាមបណ្តោយផ្លូវ១៣៦ កែងផ្លូវលេខ៤៩ សង្កាត់ផ្សារថ្មី៣ ខណ្ឌដូនពេញ រាជធានី ភ្នំពេញ ។

តាមប្រភពពត៌មានពីកន្លែងកេីតហេតុបានឲ្យដឹងថា៖ នៅមុនពេលកេីតហេតុគេបានឃេីញបុរសម្នាក់បេីកបររថយន្តម៉ាក Toyota Prius ពណ៌ក្រហម ពាក់ស្លាកលេខ ភ្នំពេញ 2BA-4019 ធ្វេីដំណេីរតាមបណ្តោយផ្លូវ១៣៦ ទិសដៅពីលិចទៅកេីត លុះពេលធ្វេីដំណេីរមកដល់ចំនុចកេីតហេតុផ្លូវបំបែកជាបួនក៏ស្រាប់តែមានរថយន្តម៉ាក Toyota 4Runner ពណ៌ ដោះគោ ពាក់ស្លាកលេខ ភ្នំពេញ 2L-7725 បេីកបរដោយបុរសម្នាក់ ធ្វេីដំណេីរតាមបណ្តោយផ្លូវ៤៩ ទិសដៅពីជេីងទៅត្បូង ក្នុងស្ថានភាពល្បឿនលឿនថែមទាំងមិនបានប្រុងប្រយ័ត្ន ផ្លូវបំបែកជាបួន ក៏ជ្រុលទៅបុករថយន្ត Toyota Prius ចំពីមុខពេញទំហឹងបណ្តាលឲ្យរងការខូចខាតចំផ្នែកខាងមុខខ្ទេចទាំងស្រុង។ បន្ទាប់ពីកេីតហេតុរថយន្តម៉ាក 4Runner ក៏ បន្តបេីករថយន្តគេចខ្លួនចេញទៅដល់បណ្តោយផ្លូវ១៥៤ កែងផ្លូវ៤៩ រថយន្តបានបាក់ក្រឡេកង់ខាងស្តាំរងការខូចខាតធ្វេីដំណេីរទៅមុខលែងរួច។

បច្ចុប្បន្នរថយន្តទាំងពីរត្រូវបានសម្ថកិច្ចជំនាញធ្វេីការវាស់វែង រួចបានស្ទូចយកទៅរក្សាទុកនៅករិយាល័យចររាចរណ៍ផ្លូវគោកនៃស្នងការរដ្ឋាននគរបាលរាជធានីភ្នំពេញដេីម្បីរងចាំធ្វេីការដោះស្រាយគ្នានៅពេលក្រោយ៕