ដោយៈចាន់តូ
ភ្នំពេញ ៖ ជនសង្ស័យ២នាក់ធ្វេីសកម្មភាពឆក់ការបូបស្ពាយពីស្ត្រីម្នាក់បានសម្រេចកាលពីវេលាម៉ោង ០៧ និង១០ នាទីថ្ងៃទី១៨ ខែវិច្ឆិកា ឆ្នាំ២០២២នៅចំណុចស្ពានអាកាសចោមចៅ ភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ហេីយព្យាយាមគេចខ្លួនបាន២ម៉ោងត្រូវបានសមត្ថកិច្ចតាមស្រាវជ្រាវចាប់ខ្លួន។
ជនរងគ្រោះឈ្មោះជ្រុន ស្រីង៉ា ភេទស្រីអាយុ២៨ឆ្នាំ មុខរបរពេទ្យ មានស្រុកកំណេីតនៅភូមិដេីមដូង ឃុំដេីមដូង ស្រុកអង្គជ័យ ខេត្តកំពត។ ជនសង្ស័យ:
ទី១ ឈ្មោះប្រាក់ សុខសេវី ភេទប្រុសអាយុ១៦ឆ្នាំ។
ទី២ឈ្មោះហា សុខហេង ភេទប្រុសអាយុ១៧ឆ្នាំ។
សំភារៈបាត់បង់មាន ខ្សែដៃមាសចំនួន ០១ខ្សែ ចញ្ជៀនមាស ០១វង្ស ក្រវិលផ្លាកទីន ចំនួន១គូរ និងប្រាក់រៀលចំនួន ៦០ម៉ឺនរៀល ។
តាមសម្តីជនរងគ្រោះបានឲ្យដឹងថា មុនពេលកេីតហេតុគាត់បានជិះម៉ូតូចេញពីផ្ទះ បំណងទៅមន្ទីរពេទ្យកាលម៉ែត ធ្វេីដំណេីរតា មបណ្តោយមហាវិថីចោមចៅ ខណៈមកដល់ចំណុចកេីតហេតុស្រាប់តែមានជនង្ស័យម្នាក់ជិះម៉ូតូម៉ាក SUZUKI NEX មកពីក្រោយហេីយធ្វេីសកម្មភាពឆក់កាបូបស្ពាយបានស្រេចរួចគេចខ្លួនបាត់ ។
ក្រោយកើតហេតុសមត្ថកិច្ចកំណត់ស្លាកលេខម៉ូតូចំនួន ០២ គ្រឿង ដែលមានស្លាកលេខ ភ្នំពេញ 1JT-8029 និង ភ្នំពេញ 1II-4208 ។ ក្រោយកើតហេតុរយៈពេល ប្រហែល ០២ ម៉ោងកំលាំង ការិយាល័យព្រហ្មទណ្ឌកម្រិតស្រាល និងកម្លាំងព្រហ្មទណ្ឌខណ្ឌពោធិ៍សែនជ័យ ។ ល្បាត ក៏ប្រទះឃើញម៉ូតូដែលមានភិនភាគខាងលើទេីបដេញ ឃាត់ខ្លួនបានចំនួន ០២នាក់ ។
ក្រោយសាកសួរ ជនសង្ស័យទាំង ០២នាក់នោះបានសារភាពថាពួកគេ និងបក្ខពួកប្រហែល១០នាក់ទៀតពិតជាបានធ្វើសកម្មភាព ឆក់កាបូបពីស្ត្រីម្នាក់នោះមែន រួចយកគ្រឿងអលង្ការទាំងនោះទៅលក់នៅផ្សារពោចិនតុង បានប្រាក់ចំនួន ១៣០០ ដុល្លារ ចែកគ្នាបានម្នាក់ចំនួន ១០០ ដុល្លារ ៕