ដោយ រតនា
ភ្នំពេញ ៖ រថយន្តសន្តោងកុងទ័រនឺ មួយគ្រឿង បេីកបរក្នុងស្ថានភាពល្បឿនលឿនខ្វះការប្រុងប្រយ័ត្ន បានរេចង្កួតបុកកង់បីឥណ្ឌាចំពីមុខពេញទំហឹងហេីយបន្តទៅបុកបង្គោលភ្លេីងបាក់ដួលត្រេត១ ដេីមថែមទៀតបណ្តាលឲ្យរថយន្តក្រឡាប់ផ្ងេីរជេីងភ្លាមៗ។
ហេតុការណ៍មួយនេះកេីតឡេីងកាលពីវេលាម៉ោង៨ និង២០ នាទីយប់ថ្ងៃទី១៧ ខែវិច្ឆិកា ឆ្នាំ២០២២ ស្ថិតនៅតាមបណ្តោយផ្លូវជាតិលេខ១ ចំនុចខាងមុខវត្តចម្ប៉ា ភូមិជ្រោយអំពិល១ សង្កាត់ក្បាលកោះ ខណ្ឌច្បារអំពៅ ។
តាមប្រភពពត៌មានពីកន្លែងកេីតហេតុបានឲ្យដឹងថា៖ មុនកេីតហេតុគេបានឃេីញបុរសម្នាក់បេីកបររថយន្តសន្តោងកុងទ័រនឺ មួយគ្រឿង ពាក់ស្លាក ភ្នំពេញ 4A-0492 បានធ្វេីដំណេីរតាមបណ្តោយផ្លូវជាតិលេខ១ ទិសដៅពីលិចទៅកេីត លុះពេលធ្វេីដំណេីរមកដល់ចំនុចកេីតហេតុរថយន្តបេីកបរក្នុងស្ថានភាពល្បឿនលឿនថែមទាំងបេីកវ៉ាជែងមិនបានប្រយ័ត្នក៏រេចង្កូតទៅខាងឆ្វេងបុកចំពីចំហៀងកង់បីឥណ្ឌា ពណ៌ស មួយគ្រឿង ពាក់ស្លាកលេខ ភ្នំពេញ1HW-2928 បេីកបរដោយបុរសម្នាក់ ធ្វេីដំណេីរតាមបណ្តោយផ្លូវជាតិលេខ១ ទិសដៅពីកេីតទៅលិច បណ្តាលឲ្យរងការខូចខាតខ្ទេចស្ទេីរតែទាំងស្រុង និងបង្កអោយបុរសជានាក់បេីកកង់បីរងរបួសធ្ងន់ត្រូវបានរថយន្តសាមុយដឹងបញ្ជូនទៅសង្គ្រោះបន្ទាន់ភ្លាមៗផងដែល។
បច្ចុប្បន្នរថយន្តនិងកង់បីឥណ្ឌាត្រូវបានសម្ថកិច្ចជំនាញចុះមកធ្វេីការវាស់វែង រួចហេីយបានស្ទូចយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដេីម្បីរងចាំធ្វេីការដោះស្រាយគ្នានៅពេលក្រោយ៕
