ឆេះរោងចក្រនៅចិនស្លាប់៣៨នាក់ របួស២នាក់

អគ្គិភ័យឆេះរោងចក្រមួយនៅភាគកណ្តាលប្រទេសចិនកាលពីថ្ងៃចន្ទបានសម្លាប់មនុស្ស ៣៨ នាក់ និង២នាក់ផ្សេងទៀតរងរបួស។

អគ្គិភ័យបានចាប់ផ្តើមនៅម៉ោង ១៦:២២ នាទី (ម៉ោងក្នុងស្រុក) កាលពីថ្ងៃចន្ទនៅរោងចក្រ Kaixinda Trading ក្នុងតំបន់ផលិតឧបករណ៍បច្ចេកវិទ្យាខ្ពស់របស់ទីក្រុង ហើយត្រូវបានពន្លត់ទាំងស្រុងនៅម៉ោង១១យប់។នេះបើយោងតាមការចេញផ្សាយរបស់ ទីភ្នាក់ងារសារព័ត៌មានរដ្ឋចិន Xinhua។

មន្រ្តីពន្លត់អគ្គិភ័យបានបញ្ជូនរថយន្តពន្លត់អគ្គិភ័យប្រមាណ៦០គ្រឿងទៅកន្លែងកើតហេតុ។បើតាមរបាយការណ៍ មន្ត្រីប៉ូលិសមូលដ្ឋានបានឃាត់ខ្លួនមនុស្សមួយចំនួនខណៈពួកគេកំពុងស្រាវជ្រាវរកមូលហេតុនៃការឆេះនេះ៕