ឃាតករតាមដងផ្លូវបានឆក់យកជីវិតបុរសម្នាក់

កំពង់ឆ្នាំង: បុរសម្នាក់ស្លាប់បាត់បង់ជីវិតយ៉ាងរន្ធត់ក្នុងហេតុការណ៍គ្រោះថ្នាក់ចរាចរណ៍មួយរវាងរថយន្ត និងម៉ូតូ ។

ហេតុការណ៍ខាងលេីនេះកេីតឡេីងនៅ វេលាម៉ោង ១៧.៣០នាទី ថ្ងៃទី២២ ខែវិច្ឆិកា ឆ្នាំ២០២២ នៅលើកំណាត់ផ្លូវជាតិលេខ៥ ចន្លោះបង្គោលគីឡូម៉ែត្រលេខ៩១-៩២ ស្ថិតក្នុងភូមិទី៨ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង ។

ប្រភពពីសត្ថកិច្ចបានឲ្យដឹងថាករណីគ្រោះថ្នាក់ចរាចរណ៍ខាងលេីកើតឡើងរវាងរថយន្ត ម៉ាកហុីយ៉ានដាយ ពណ៌ទឹកប្រាក់ ពាក់ស្លាកលេខ ភ្នំពេញ 3F-7586 និង ម៉ូតូ ធ្វើដំណើរបញ្ច្រាសទិសគ្នាលុះមកដល់ចំណុចកើតហេតុខាងលើរថយន្តបានរេចង្កូតទៅបុកនឹងម៉ូតូ០១គ្រឿង ម៉ាកសុីវីរុស ពណ៌ខ្មៅលាយក្រហម ពាក់ស្លាកលេខ តាកែវ1C-8533 អ្នកបើកបរឈ្មោះ សេង សុភាស់ ភេទប្រុស អាយុ៣២ឆ្នាំ រស់នៅភូមិទី៥ សង្កាត់ខ្សាម ក្រុង ខេត្តកំពង់ឆ្នាំង បណ្តាលអោយស្លាប់នៅហ្នឹងកន្លែងកើតហេតុ។ មូលហេតុនៃគ្រោះថ្នាក់ចរាចរណ៍ខាងលេីបណ្តាលមកពីបើកបរក្នុងល្បឿនលឿនខ្វះការប្រុងប្រយ័ត្ន ។

ក្រោយកេីតហេតុ សពជនរងគ្រោះត្រូវបានសាច់ញាតិក្រុមគ្រួសារទទួលយទៅធ្វេីបុណ្យតាមប្រពៃណី ៕