សង្ស័យងងុយដេក បើករថយន្តរ៉េចង្កូតបុកឡេីងខឿនចិញ្ចើមផ្លូវ និង បង្គោលស្តុប

ដោយ រតនា

ភ្នំពេញ៖ បុរសម្នាក់បេីកបររថយន្តម៉ាក FordRanger ក្នុងស្ថានភាពបោះពួយយ៉ាងលឿន មិនបានប្រយ័ត្នរេចង្កូតបុកឡេីងខឿនហេីយបន្តទៅបុកបង្គោលផ្លាក់សញ្ញាចរាចរណ៍បាក់ដួលត្រេតចំនួន១ ដេីមនិងបន្តទៅបុកបង្គោលភ្លេីងសញ្ញាស្តុបបន្ថែមទៀតបណ្តាលអោយរងការខូចខាត។

ហេតុការណ៍មួយនេះកេីតឡេីងនៅវេលាម៉ោង ១ និង៣០ នាទីរំលងអាធាត្រុឈានចូលថ្ងៃទី២៦ ខែវិច្ឆិកា ឆ្នាំ២០២២ ចំណុចស្តុប រដ្ឋបាលរាជធានីភ្នំពេញ ស្ថិតតាមបណ្តោយផ្លូវមហាវិថីព្រះនរោត្តម ក្នុងសង្កាត់ស្រះចក ខណ្ឌដូនពេញ ។

តាមប្រភពពត៌មានពីកន្លែងកេីតហេតុបានអោយដឹងថា មុនពេលកេីតហេតុគេបានឃេីញបុរសម្នាក់បេីកបររថយន្តម៉ាក FordRanger ពណ៌ស មួយគ្រឿង គ្មានស្លាកលេខ ធ្វេីដំណេីរតាមបណ្តោយផ្លូវមហាវិថីព្រះនរោត្តម ទិសដៅពីជេីងទៅត្បូង លុះពេលធ្វេីដំណេីរមកដល់ចំនុចកេីតហេតុស្តុបរដ្ឋបាលរាជធានីភ្នំពេញ បេីកបរក្នុងស្ថានភាពល្បឿនលឿន មិនបានប្រុងប្រយ័ត្ន ក៏បានរេចង្កូតទៅខាងឆ្វេងបុកឡេីងខឿនចិញ្ចេីមផ្លូវហេីយបន្តទៅបុកបង្គោលផ្លាកសញ្ញាចររាចរណ៍បាក់ដួលអស់ចំនួន១ ដេីម រថយន្តនៅមិនទាន់អស់ល្បឿនក៏បន្តទៅបុកបង្គោលភ្លេីងសញ្ញាស្តុបពេញទំហឹងបន្ថែមទៀតបណ្តាលអោយត្រេត ចំណែកឯរថយន្តវិញទទួលរងការខូចខាតចំផ្នែកខាងមុខខ្ទេចទាំងស្រុងរួមទាំងបែកពងកាពារសុវត្ថិភាពចំនួន២ ផងដែរ។

ក្រោយពេលកេីតហេតុសម្ថកិច្ចជំនាញបានធ្វេីការវាស់វែង រួចហេីយបានស្ទូចយករថយន្តទៅរក្សាទុកនៅករិយាល័យចររាចរណ៍ផ្លូវគោកនៃស្នងការរដ្ឋាននគរបាលរាជធានីភ្នំពេញរងចាំធ្វេីការដោះស្រាយនៅពេលក្រោយ៕