ការប្រកួតវគ្គចែកពូលជុំទីបីនៃព្រឹត្តិការណ៍ពានរង្វាន់ FIFA World Cup 2022 រាត្រីថ្ងៃទី៣០ ខែវិច្ឆិកា ក្នុងការប្រកួតពូល D អូស្រា្តលីដណ្តើមបានកៅអីវគ្គ ១៦ក្រុមលើកទី២ ក្នុងប្រវត្តិសាស្ត្រខ្លួន ក្រោយឈ្នះលើដាណឺម៉ាកលទ្ធផល ១-០។
ជ័យជម្នះ១-០លើដាណឺម៉ាកដែលអូស្រ្តាលីទទួលបានកៅអីទៅកាន់វគ្គបន្ទាប់ ជាការស៊ុតយ៉ាងល្អពីកីឡាករខ្សែបម្រើ Mathew Leckie នៅនាទី៦០ ដែលជាការបញ្ជូនយ៉ាងល្អពីកីឡាករ Riley McGree។
សូមជ្រាបថា អូស្ត្រាលីបង្ហាញខ្លួន ៦លើកនៅព្រឹត្តិការណ៍ World Cup ទាំងលើកនេះពួកគេសម្រេចក្តីស្រមៃឡើងវគ្គ ១៦ក្រុមជាលើកទីពីរ ហើយនឹងរង់ចាំអ៊ុតមើលក្រុមលេខ២ ដែលនៅក្នុងការប្រកួតប្រជែងពូល C ដើម្បីប៉ះគ្នានៅវគ្គបន្ទាប់៕
