ក្រុមដឹកជញ្ជូន អនឡាញ E-Get ទាស់សម្តីនិងដេញវាយអ្នកសារព័ត៌មានម្នាក់ ត្រូវបុរសម្នាក់ឈឺឆ្អាលដកកាំភ្លើង របួស៤នាក់

ដោយ រតនា

ភ្នំពេញ: បុរសម្នាក់បានអះអាងថា ជាអ្នកសារព័ត៌មាន អង្គភាព អាស៊ានដេលី ត្រូវបានក្រុមក្មេងទំនើងមួយក្រុម ដែលមានធុងដឹកជញ្ជូន អនឡាញ ស្លាក E-Get នៅពីក្រោយ ដេញវាយគាត់ ដោយសារតែប៉ះពាក្យសម្តីគ្នា ខណៈជិះម៉ូតូនៅតាមដងផ្លូវសារធារណៈ ភ្លាមនោះក៏មានបុរសម្នាក់ឃើញ ហេតុការណ៍ ដកកាំភ្លើងបាញ់គម្រាម១គ្រាប់ឡើងលើ តែក្រុុមក្មេងទំនើងមិន ខ្លាចរអា ប្រឹងស្ទុះសំដៅទៅលើបុរសដែលមានកំភ្លើងក្នុងដៃ ទើបបុរសនោះ បាញ់មកលើក្រុមក្មេងទំនើង បណ្តាលឲរបួសដៃនឹងជើង ចំនួន៤នាក់។

ហេតុការណ៍នេះកើតឡើងកាលពីវេលាម៉ោង១យប់រំលងអធ្រាត្រឈានចូលថ្ងៃចន្ទ ទី ១២ ខែធ្នូ ឆ្នាំ២០២២ត្រង់ចំណុចមុខហាងបាយរាត្រីមួយកន្លែង នៅច្រមុះជ្រូកក្បាលថ្នល់ តាមបណ្ដោយផ្លូវព្រះមុនីវង្ស ស្ថិតសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

តាមសម្ដីជនរងគ្រោះ ជាអ្នកសារព័ត៌មានអង្គភាពអាស៊ានដេលី បានរៀបរាប់ថា ខណៈរូបគាត់កំពុងធ្វើដំណើរតាមផ្លូវ ក៏ជួបនឹងក្រុមក្មេងទំនើង ដឹកជញ្ជូន អនឡាញ E-Get ខាងលើ ដែលមានម៉ូតូចំនួន៣គ្រឿង បានប៉ះពាក្យសម្តីគ្នា ធ្វើឲក្រុមក្មេងទំនើង ដេញតាមគាត់រហូត មុខហាងបាយរាត្រីមួយកន្លែង នៅជិតច្រមុះក្បាលថ្នល់ គាត់បានឈប់ចង់ឲគេជួយ ស្រាប់តែមានបុរសម្នាក់ ដែលនៅហាងបាយ ឈឺឆ្អាល ដកកាំភ្លើង បាញ់គម្រាម១គ្រាប់ឡើងលើ តែក្រុុមក្មេងទំនើងមិន ខ្លាចរអា ប្រឹងស្ទុះសំដៅទៅលើបុរសដែលមាន កំភ្លើងក្នុងដៃ ទើបបុរសនោះ បាញ់មកលើក្រុមក្មេងទំនើង ជាច្រើនគ្រាប់ បណ្តាលឲរបួសដៃនឹងជើង ភ្លាមក្រុមក្មេងទំនើង បានចាកចេញពីកន្លែងហេតុ យកម៉ូតូនឹងឌួងដឹកជញ្ជូន E-Get មកផ្លុងចោល នៅក្បែរស្ពានហង្ស ក្រោយអាគារមួយ ហើយត្រូវបាន បក្សពួកដឹកយកទៅសង្គ្រោះនៅ មន្ទីរពេទ្យកាល់ ក្រោយមកបញ្ចូនមកសង្គ្រោះនៅមន្ទីរពេទ្យរ៉ុស្ស៊ីវិញ ។បើតាមការបញ្ជាក់របស់ មិត្តភក្តិ ក្រុមដឹកជញ្ជូន អនឡាញ E-Get ដែលជាជនរងគ្រោះក្នុងហេតុការណ៍ នេះដែរ បានប្រាប់ថា មិត្តរបស់គេរបួសសរុប៤នាក់ ។ បុរសជាអ្នកសារព័ត៌មាននិងក្រុមដឹកជញ្ជូន E-Get មិនត្រូវគេស្គាល់ឈ្មោះនោះឡើយ ។

ក្រោយពេលកើតហេតុ សមត្ថកិច្ច និង កម្លាំងកងរាជរាជអាវុធហត្ថ បានចុះទៅទីតាំងហេតុ ដោយ បាននាំយុវតីម្នាក់ ដែលនៅក្នុងហេតុការណ៍ខាងលើ រួបនិងសំបកគ្រាប់ទៅសាកសួរនាំ ដោយឡែក នគរបាលបាននាំបុរសដែលជាអ្នកសារព័ត៌មាន មកសួរនាំនិងដាក់ពាក្យបណ្តឹងនៅប៉ុស្តិ៍នគរបាលទន្លេបាសាក់៕