Spurs ធ្លាក់មកឈរលេខ៥ តាមពីក្រោយក្រុមកំពូលតារាង Arsenal ១៣ពិន្ទុក្នុងតារាង Premier League។
Aston Villa នៅតែធ្វើបានល្អក្នុងការប្រកួតដើម្បីដណ្តើមពិន្ទុប្រជែងក្នុងក្របខណ្ឌEnglish Premier League (EPL)ដោយរកបានជ័យជម្នះលើក្រុមមាន់ខ្នាយមាស Tottenham Hotspur ដល់ក្នុងផ្ទះតែម្តងក្នុងលទ្ធផល ២-០។ ២គ្រាប់ជ័យជម្នះកើតឡើងនៅក្នុងវគ្គទីពីរដោយខ្សែប្រយុទ្ធ Emiliano Buendia នៅនាទី៥០ និងខ្សែបម្រើ Douglas Luiz នៅនាទី៧៣។
បរាជ័យលើកទី៥នៅលីកEPLនេះ បានធ្វើឱ្យ Spurs ធ្លាក់ទៅចំណាត់ថ្នាក់លេខ៥វិញ មាន១៣ ពិន្ទុតាមពីក្រោយក្រុមកំពូលតារាង Arsenal គិតត្រឹមការប្រកួតសប្តាហ៍ទី១៨ នៅរាត្រីថ្ងៃទី១ ខែមករា។ ចំណែកក្រុមបិសាចក្រហមManchester United ដណ្តើមយកតំណែងលេង ៤ ក្រោយពួកគេប្រកួតឈ្នះក្រុម Wolver លទ្ធផល ១-០ កាលពីថ្ងៃទី៣១ ខែធ្នូ ឆ្នាំ ២០២២។
គូសបញ្ជាក់ថាក្រោយទទួលបានជ័យជម្នះដ៏ធំមួយនេះ ក្រុមដឹកនាំដោយលោក Unai Emery បន្តឈរនៅចំណាត់ថ្នាក់លេខ១២ ដដែលដោយមាន២១ពិន្ទុ៕
