ដោយ រតនា
ភ្នំពេញ ៖ យុវជនមួយ ក្រុម ជិះម៉ូតូចំនួន៤ គ្រឿងប្រដាប់ដោយកាំភ្លេីងខ្លីនិងដាវសាម៉ូរៃ ដេញបាញ់ក្រុមយុវជនមួយក្រុមទៀតនាំគ្នារត់ ផ្អើល ដល់កម្លាំងសមត្ថកិច្ចចុះអន្តរាគម៍ភ្លាមៗ។
ហេតុការណ៍មួយនេះកេីតឡេីងនៅវេលាម៉ោង៣ ទាបភ្លឺឈានចូលថ្ងៃទី៤ ខែមករា ឆ្នាំ២០២៣ នៅចំណុចខាងមុខអាគារបុរីកីឡា តាមបណ្តោយលេខ២១១ ក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។
យោងតាមប្រភពពត៌មានពីកន្លែងកេីតហេតុបានអោយដឹងថា មុនកេីតហេតុគេឃេីញយុវជនមួយក្រុមមានប្រុសស្រីប្រមាណជា១៥ នាក់បាននាំគ្នាមកអង្គុយលេងជួបជុំជជែកគ្នានៅខាងមុខអាគារបុរីកីឡា ដូចរាល់សព្វដង។ ភ្លាមៗ នោះក៏ស្រាបតែមានយុវជនមួយក្រុមទៀតមានគ្នា៦ នាក់ជិះម៉ូតូចំនួន៤ គ្រឿង ប្រដាប់ដោយកាំភ្លេីងខ្លី និងដាវសាំម៉ូរៃបានជិះមកខាងមុខអាគារ ហេីយបាននាំគ្នាចុះពីលេីម៉ូតូរួចដកកាំភ្លេីងខ្លីបាញ់ចំនួនមួយគ្រាប់ និងដកដាវចុះដេញកាប់ក្រុមយុវជនរងគ្រោះបណ្តាលអោយរងរបួសចំកែងជេីងម្នាក់ ផ្សេងៗ ទៀតនាំគ្នារត់ចូលទៅក្នុងអាគារស្រែកអោយគេជួយផ្អេីលដល់ប្រជាពលរដ្ឋយ៉ាងខ្លាំង និងសមត្ថកិច្ចកំពុងល្បាតចេញជួយអន្តរាគមន៍។
បន្ទាប់ពីកើតហេតុក្រុមយុវជនភាគីបង្កបានរត់ឡើងទៅលើម៉ូតូហើយនាំគ្នាជិះគេចខ្លួនចេញពីកន្លែងកើតហេតុទៅបាត់។ ស្របពេលនោះក៏មានវត្តមានរបស់កម្លាំងសមត្ថកិច្ចមូលដ្ឋានបានចុះទៅទីតាំងកើតហេតុដើម្បីធ្វេីការអន្តរាគមន៍ផងដែរ។
បច្ចុប្បន្ន សម្ថកិច្ចមូលដ្ឋានបានណែនាំឲ្យភាគីយុវជនរងគ្រោះទៅប៉ុស្តិ៍នគរបាលវាលវង់ដើម្បីដាក់ពាក្យបណ្ដឹងងាយស្រួលឲ្យខាងសមត្ថកិច្ចជំនាញធ្វេីការស្រាវជ្រាវរកក្រុមជនបង្កយកមកចាត់ការតាមនិតិវិធីច្បាប់៕