នៅថ្ងៃព្រហស្បតិ៍នេះកូរ៉េខាងជើងកំពុងប្រារព្ធខួបគម្រប់៨១ឆ្នាំសម្រាប់លោក គីម ជុងអ៊ីល

ប្រទេសកូរ៉េខាងជើងប្រារព្ធខួប 81ឆ្នាំរបស់អតីតមេដឹកនាំប្រទេសលោក Kim Jong Il នៅថ្ងៃព្រហស្បតិ៍សប្ដាហ៍នេះ។
លោក គីម ជុងអ៊ីល ដែលជាឪពុករបស់មេដឹកនាំកូរ៉េខាងជើង លោក គីម ជុងអ៊ុន បានទទួលមរណភាពក្នុងឆ្នាំ២០១១។ ខួបកំណើតរបស់លោកថ្ងៃទី ១៦ ខែកុម្ភៈ ត្រូវបានកំណត់ជាថ្ងៃបុណ្យជាតិ។

នៅមុនថ្ងៃខួបមួយថ្ងៃទូរទស្សន៍រដ្ឋកូរ៉េបានចាក់ផ្សាយពីពិធីបង្ហូតទង់ជាតិដែលមានការចូលរួមដោយប្រជាពលរដ្ឋនិងបុគ្គលិកយោធានៅមុនខួប។ ទូរទស្សន៍បានសរសើរលោក Kim Jong Un ដោយនិយាយថាលោកកំពុងបើកសករាជថ្មីសម្រាប់ការអភិវឌ្ឍជាតិ។

មេដឹកនាំកូរ៉េខាងជើងរូបនេះត្រូវបានគេរំពឹងថា នឹងប្រើខួបកំណើតឪពុកលោកគម្រប់ ៨១ ឆ្នាំនៅថ្ងៃទី ១៦ ខែកុម្ភៈនេះ ដើម្បីអំពាវនាវឲ្យប្រជាជនមានសាមគ្គីភាព និងបង្ហាញភាពស្មោះត្រង់ចំពោះលោកក្នុងការបន្តដឹកនាំប្រទេស ។
កាលពីថ្ងៃទី៨ ខែកុម្ភៈ លោក Kim Jong Un បានធ្វើជាអធិបតីក្នុងពិធីព្យុហយាត្រាយោធានៅទីក្រុងព្យុងយ៉ាង ដើម្បីប្រារព្ធខួបលើកទី ៧៥ឆ្នាំ នៃថ្ងៃកំណើតកងទ័ពកូរ៉េខាងជើង។

ទន្ទឹមនឹងនេះ ក៏មានការរំពឹងទុកថា កូរ៉េខាងជើងកំពុងប្រឈមមុខនឹងការខ្វះខាតស្បៀងអាហារ។គណៈកម្មាធិការកណ្តាលនៃគណបក្សពលករដែលកំពុងកាន់អំណាចគ្រោងនឹងបើកកិច្ចប្រជុំពេញអង្គនៅចុងខែនេះ ដើម្បីពិភាក្សាអំពីគោលនយោបាយកសិកម្មរបស់ប្រទេស៕