ខ្សែប្រយុទ្ធMason Greenwoodត្រូវបានគេរាយការណ៍ថាចង់ចាកចេញពី ក្លិបManchester Unitedនៅរដូវកាលនេះ។
បើតាមប្រភពមួយចំនួនបានលើកឡើងថា ក្លិបអ៊ីតាលី AC Milan ចង់បាន Greenwood នាពេលទីផ្សារដោះដូរកីឡាករខាងមុខ។
Greenwood អវត្តមានមិនបានជួយ Manchester United តាំងពីខែមករា ឆ្នាំ២០២២ ក្រោយមានបញ្ហាផ្លូវច្បាប់មួយចំនួនជាមួយអតីតមិត្តស្រី។ រាល់បទចោទទាំងអស់ ត្រូវបានតុលាការសម្រេចទម្លាក់ចោល កាលពីខែកុម្ភៈកន្លងទៅ។ ទោះជាយ៉ាងណា កីឡាករអង់គ្លេសនៅតែមិនទាន់បានចូលលេងឲ្យក្លិបបិសាចក្រហម។
គូសបញ្ជាក់ថាGreenwoodជាកីឡាករយុវជនបណ្ដុះបណ្ដាលដោយថ្នាល Manchester United ហើយបានបង្ហាញខ្លួនលេងឲ្យឈុតធំតាំងពីឆ្នាំ ២០១៨។ គិតមកទល់ពេលនេះ ខ្សែប្រយុទ្ធរូបនេះលេងឲ្យក្លិប ៨៣ ប្រកួតនិងរកបាន២២ គ្រាប់៕
