ក្រុមអ្នកមានបុណ្យ FC Barcelona បានគ្រងជើងឯក La Liga ជាលើកដំបូងចាប់តាំងពីឆ្នាំ២០១៨-១៩ ទោះបីនៅសល់៤ប្រកួតទៀតក្នុងដៃបន្ទាប់ពីពួកគេបានយកឈ្នះក្រុម Espanyol នៅឯកីទ្បដ្ឋាន RCDE Stadium ក្នុងលទ្ធផល ២-៤ កាលពីយប់មិញ។
កីទ្បាករ Robert Lewandowski បានស៊ុតបញ្ចូលទីពីរគ្រាប់ម្នាក់ឯង និងជាគ្រាប់បាល់លើកទី២០ របស់ខ្លួននារដូវកាលនេះ ខណៈដែល២គ្រាប់ទៀតរបស់ក្រុម Barca រកបានដោយកីទ្បាករ Alejandro BaldeនិងJules Kounde។ដោយទ្បែកក្រុម Espanyol ក៏រកបាន ២គ្រាប់ទៀតផងដែរដោយកីទ្បាករ Javier Puado និង Joselu ធ្វើបានម្នាក់មួយគ្រាប់។លទ្ធផល ៤-២ នេះ ធ្វើឱ្យក្រុមរបស់លោក Xavi បាននាំមុខលើគូរប្រជែងធំក្នុងលីគអេស្ប៉ាញ គឺក្រុម Real Madrid រហូតដល់១៤ពិន្ទុឯណោះ ដោយមាន៨៥ពិន្ទុ និងសល់៤ប្រកួតទៀតក្នុងដៃ។
គួរជម្រាបថា វាជាពានរង្វាន់ La Liga លើកដំបូងរបស់ពួកគេ ចាប់តាំងពីតារាឆ្នើមរបស់ក្លិបយក្សអេស្ប៉ាញ់ Lionel Messiបានចាកចេញពីកីទ្បាដ្ឋាន Camp Nou កាលពីខែសីហា ឆ្នាំ២០២១ ដើម្បីចូលរួមជាមួយក្លឹបអ្នកមានបារាំង Paris Saint Germain។ ហើយវាក៏ជាលើកដំបូងចាប់តាំងពីលោក Xavi ត្រូវបានតែងតាំងជាអ្នកចាត់ការទូទៅ កាលពីខែវិច្ឆិកា ឆ្នាំ២០២១ផងដែរ៕
