អន្តរជាតិ៖ជំនន់ទឹកភ្លៀង បានវាយប្រហារលើផ្នែកជាច្រើននៃប្រទេសចិនចាប់តាំងពីថ្ងៃសៅរ៍មក ជាមួយនឹងភ្លៀងធ្លាក់យ៉ាងគំហុកបានបង្កការខូចខាតយ៉ាងធ្ងន់ធ្ងរលើទីក្រុងប៉េកាំង និងខេត្តហឺប៉ីដែលនៅជិតនោះ។
ទូរទស្សន៍CCTV បានរាយការណ៍ថាមនុស្ស ១១ នាក់បានស្លាប់ និង ១៣នាក់កំពុងបាត់ខ្លួននៅក្នុងទីក្រុងប៉េកាំង ដោយសារការបាក់ដី និងទឹកជំនន់។
CCTVបានបន្តថាមនុស្សជាង៤៤,០០០នាក់បានរងផលប៉ះពាល់នៅក្នុងរដ្ឋធានីរបស់ប្រទេសចិន ហើយមនុស្សជាង ១២០,០០០ នាក់ត្រូវបានបង្ខំឱ្យជម្លៀសទៅទីទួលសុវត្តិភាព។
ប្រធានាធិបតីចិន លោក ស៊ី ជីនពីង កាលពីថ្ងៃអង្គារបានណែនាំអាជ្ញាធរឲ្យធ្វើប្រតិបត្តិការស្វែងរក និងជួយសង្គ្រោះអ្នកបាត់ខ្លួន។ប៉ូលិស និងអ្នកពន្លត់អគ្គិភ័យបន្តប្រតិបត្តិការជួយសង្គ្រោះ។
ទន្ទឹមគ្នានេះមន្ត្រីឧតុនិយមចិនបាននិយាយថា ភ្លៀងទំនងជានឹងចុះខ្សោយនៅក្នុងទីក្រុងប៉េកាំង ប៉ុន្តែថា ភ្លៀងនៅតែអាចធ្លាក់នៅក្នុងតំបន់ភាគខាងជើង និងតំបន់ដីគោករបស់ប្រទេស។
ពួកគេបានដកការប្រកាសអាសន្នកម្រិត៤ដែលជាកម្រិតខ្ពស់បំផុត ខណៈពេលដែលជំរុញឱ្យប្រជាជនមានការប្រុងប្រយ័ត្នចំពោះការរអិលបាក់ដី៕
